సెక్స్ అంటే బూతు కాదు...

Posted: 02/07/2015 07:21 PM IST

నేటి జనరేషన్’లో సెక్స్ అంటే అందరూ బూతుగా అభివర్ణిస్తారు. కానీ పూర్వకాలంలో దీనిని ఒక గొప్ప విషయంగా చెప్పుకునేవారు. అప్పట్లో వాత్సాయనుడు సెక్స్ గురించి ‘కామసూత్ర’ వంటి ఒక గ్రంథాన్ని అందించాడంటే.. ఆరోజుల్లో సెక్స్ గురించిన పరిజ్ఞానం ఎంతగా వుందో అర్థం చేసుకోవచ్చు. ఇద్దరూ వ్యక్తులు పూర్తిగా సంతృప్తి పొందడంతోకాక, రోజంతా ఆరోగ్యంగా మెలుగుతాడు. పైగా.. హుషారుగా అన్ని కార్యక్రమాల్లోనూ పాల్గొంటాడు. కానీ ప్రస్తుతకాలంలో సెక్స్’ను అపహస్యం చేసేశారు. దాన్ని బూతుగా అభివర్ణిస్తూ దాని ప్రాధాన్యతను తుడిచిపారేశారు.

అసలు సెక్స్ అంటే అదొక వింత విషయంగా చర్చించుకుంటుంటారు. రెండు శరీరాలు తమ సుఖాన్ని తీర్చుకునేందుకు ఉపయోగపడే అంశంగా అంతా భావిస్తున్నారు. దీనికి ముఖ్య కారణం ప్రస్తుతం చుట్టూ వున్న వాతావరణ పరిస్థితులే దీనికి కారణహని సెక్స్ నిపుణులు అభిప్రాయపడుతున్నారు. సెక్స్ గురించి మానవుడు ఎప్పుడైతే సహజసిద్ధంగా ఆలోచించడం మానేశాడో అప్పటినుంచే రతిక్రీడలో అనేక సమస్యలు ఉత్పన్నమయ్యాయని వారు చెబుతున్నారు. తద్వారా ఎవరూ ఇందులో పూర్తిగా సుఖపొందడం లేదని అంటున్నారు.

ఓ స్త్రీ, పురుషుడి మధ్య అత్యంత ఆహ్లాదకరమైన వాతావరణంలో జరగాల్సిన ఆ విషయంలో విశృంఖలాన్ని జత చేసి అసహజమైన పద్ధతుల్లో ఆనందాన్ని వెతుక్కోవడానికి మనిషి ప్రారంభించిన నాటి నుంచి సెక్స్ విషయంలో అన్ని రకాల సమస్యలు మనిషికి ప్రారంభమైయ్యాయి. సెక్స్ విజ్ఞానం గురించి యుక్త వయస్సులోకి అడుగుపెట్టిన ప్రతి వారు అవసరమైన మేరకు తప్పక తెలుసుకోవాలని సెక్స్ నిపుణులు సలహా ఇస్తున్నారు. అంటే.. సెక్స్’ను కేవలం బూతులాగా చూడటం కాకుండా దాన్నొక గొప్ప అనుభూతిగా భావిస్తే.. సుఖంతోపాటు ఆరోగ్యాన్ని పొందవచ్చు.