సుఖాల అంచున చేరడం ఎలా?

Posted: 12/20/2012 04:38 PM IST

కొత్తగా పెళ్లయిన వాళ్లు కొంతమంది తమ భార్యలను సుఖపెట్టలేక పోతున్నారని ఓ సర్వేలో తేలింది. విషయం ఏమిటంటే... మామూలుగా వాళ్లు రతి ప్రక్రియ జరిగేలోపు కొందరిలో వీర్యం కొద్ది మోతాదులో ఔట్‌ అవుతుంటుంది. తీరా యోనిలో రతి జరిపే సమయానికి అంగం మెత్తపడి పోవడం... దాంతో అసంతృప్తిగా ఆ కార్యాన్ని ముగించాల్సి వస్తోందని వాపోతుంటారు. సాధారణంగా సెక్స్‌ పరమైన ఆలోచనలు విపరీతంగా కలిగినపుడు ఒక రకమైన రంగులేని ద్రవం ఊరుతుంది. వాటిని కూపర్స్‌ గ్రంథులని అంటారు. అంగస్తంభనం అనేది రెండురకాలుగా ఉంటుంది. ఒకటి అంగం గట్టిపడకపోవడం అయితే...

రెండో ప్రక్రియలో గట్టిపడిన అంగం ఎక్కువసేపు అలానే ఉండకపోవడం... సాధారణంగా అంగస్తంభనం సమస్య ఉన్నవాళ్లకి హార్మోన్‌ పరీక్షలు, డాప్లర్‌ పరీక్షలు, రిజీస్కాన్‌ వంటి పరీక్షలు జరుపుతుంటారు. ఈ పరీక్షలు చేయించే ముందు స్ర్తీ, పురుషులు ఎవరికైనా కౌన్సెలింగ్‌ అనేది ముఖ్యం. అవకాశం ఉంటే భార్యాభర్తలు ఇద్దరూ కలిసి కౌన్సిలింగ్‌ చేయించుకోవడం మంచిది. రిజిస్కాన్‌ పరీక్షలు అంగస్తంభనం ఏరకంగా ఉందో కంప్యూటర్‌ ద్వారా తెలుసుకుంటారు. లోపం ఎక్కడుందో తెలుసుకుని... అందుకు తగిన చికిత్స జరిపించి పంపుతారు. అందుకుగాను ఒకటి లేదా రెండు రాత్రుళ్లు అక్కడే పడుకోవాలి. రాత్రి నిద్ర సమయంలో అంగస్తంభన ఏరకంగా ఉందో రిజీస్కాన్‌ ద్వారా తెలుసుకుని దానికి తగిన మందులు ఇస్తారు. అన్నింటికన్నా ముఖ్యం ఐరన్‌, విటమెన్‌ పాళ్లు వున్న మందులు లేక ఆహారపదార్ధాలను తీసుకోవడం ద్వారా ఇటువంటి సమస్యను అధికమించవచ్చు.

తనువే... హరిచందనం...

యోనిలో స్రవాలు అందరు స్ర్తీలలో ఒకేలా ఉండవు. స్ర్తీలలో ఉండే రుతుచక్రాన్ని బట్టి స్రవాల పరిమాణం కూడా మారుతుంటుంది. లూబ్రికేషన్‌ కోసం ఇప్పుడు మార్కెట్లో చాలారకాల ప్రొడక్ట్‌లు వస్తున్నాయి. వాటిలో కొన్ని సువాసనలు వెదజల్లేవి కూడా ఉండటం గమనార్హం. అయితే వీటిలో విపరీతమైన రసాయనాలు ఉపయోగించిన వాటి ప్రభావం వలన కొందరికి అతి సున్నితమైన శరీరభాగం అవడం వలన వాటిపై రాపిడి ఎక్కువై పుళ్లు పడే ప్రమాదం ఉంది. అందుకని రసాయనాలు వాడని వాటర్‌ లూబ్రికేషన్స్‌ ఎన్ని రోజులు వాడినా నష్టం వుండదు. ఆడవారి విషయంలో చిన్న వయసులోనే లూబ్రికేషన్‌ తక్కువగా ఉన్నట్లయితే అటువంటి వారు గైనకాలజిస్ట్‌ను సంప్రదించడం మంచిది.ఒకవేళ ఏదైనా ఇన్‌ఫెక్షన్‌లాంటిది ఏదైనా ఉండివుంటే సెక్సాలజిస్ట్‌ను కలవాలి. కామోద్రేకం కలగడానికి డైరెక్ట్‌గా రతిప్రక్రియలోకి వెళ్లకుండా ఫోర్‌ప్లే పద్ధతుల ద్వారా... సరసపు సంభాషణల ద్వారా... శృంగార చిత్రాలు చూపించడం ద్వారా ఒకరినొకరు ఉత్తేజితులు కావాలి. దాంతో క్రమంగా లూబ్రికేషన్‌ ఉత్పన్నమవుతుంది. ఒకవేళ అటువంటి పరిస్థితి లేనప్పుడు తప్పనిసరిగా గైనకాలజిస్ట్‌నో... సెక్సాలజిస్ట్‌నో కలవడం అన్ని విధాలా మంచిది.