Posted: 12/27/2012 01:03 PM IST

       భాగ్యనగరానికి రాష్ట్రపతి ప్రణబ్ ముఖర్జీ రాకను పురస్కరించుకుని నేడు రేపు (గురు,శుక్ర) వారాల్లో బొల్లారంలోని రాష్ట్రపతి నిలయం, బేగంపేట విమానాశ్రయం మధ్య ట్రాఫిక్ ఆంక్షలు విధించారు. ఈమేరకు పోలీసు కమిషనర్ అనురాగ్ శర్మ ఉత్తర్వులు జారీ చేశారు. ఇవి రెండు వేర్వేరు సమయాల్లో అమలులో ఉంటాయని, వాహనచోదకులు దృష్టిలో ఉంచుకుని సహకరించాలని ఆయన కోరారు. ఆయా రూట్లలో రాకపోకలు పూర్తిగా నిషేదించే అవకాశం కూడా ఉందని సూచించారు. 

       ఉదయం 9.15 నుంచి 10.05 వరకు... బొల్లారంలోని రాష్ట్రపతి నిలయం-మల్లారెడ్డినగర్-లోతుకుంట వై జంక్షన్-ఎసీఈఎంఈ సిగ్నల్-లాల్‌బజార్ టిజంక్షన్-హోలీఫ్యామిలీ చర్చ్-తిరుమలగిరి చౌరస్తా-ఆర్టీఏ ఆఫీస్-హనుమాన్ టెంపుల్-కార్ఖానా లా అండ్ ఆర్డర్ పోలీసుస్టేషన్-విక్రమ్‌పురిలోని ఆక్సిజన్ ఆసుపత్రి-సికింద్రాబాద్ క్లబ్ ఇన్‌గేట్-ఎన్‌సీసీ డెరైక్టరేట్ చౌరస్తా-టివోలీ ఎక్స్ రోడ్-ప్లాజా చౌరస్తా-సీటీఓ ఫ్లైఓవర్-రసూల్‌పుర చౌరస్తా-పీఎన్‌టీ జంక్షన్-బేగంపేట విమానాశ్రయం. 
       సాయంత్రం 5.35 నుంచి 6.25 వరకు... బేగంపేట విమానాశ్రయం-పీఎన్‌టీ జంక్షన్-రసూల్‌పుర చౌరస్తా-సీటీఓ ఫ్లైఓవర్-ప్లాజా చౌరస్తా-టివోలీ ఎక్స్ రోడ్-ఎన్‌సీసీ డెరైక్టరేట్ చౌరస్తా-సికింద్రాబాద్ క్లబ్ ఇన్‌గేట్-విక్రమ్‌పురిలోని ఆక్సిజన్ ఆసుపత్రి-కార్ఖానా లా అండ్ ఆర్డర్ పోలీసుస్టేషన్-హనుమాన్ టెంపుల్-ఆర్టీఏ ఆఫీస్-తిరుమలగిరి చౌరస్తా-హోలీఫ్యామిలీ చర్చ్-లాల్‌బజార్ టి జంక్షన్-ఎసీఈఎంఈ సిగ్నల్-లోతుకుంట వై జంక్షన్-మల్లారెడ్డినగర్-రాష్ట్రపతి నిలయం.
    పైన ఉదహరించిన ప్రాంతాలలో ప్రయాణించేవారు ఈ నిబంధనలు గమనించాలని శర్మ కోరారు.

...avnk