రాజుగారి టెన్షన్ అందుకు కాదన్న మాట

Posted: 01/11/2017 04:57 PM IST

Dil raju confident on sathamanam bhavathi

సాధారణంగా ఎలాంటి సినిమా అయినా సరే ప్రమోషన్ లో తానే ముందుండి నడిపించే టాప్ నిర్మాత దిల్ రాజు సంక్రాంతి బరిలో నిలవబోతున్న శతమానం భవతి విషయంలో మాత్రం తొందరపడటం లేదు. ఆఖరికి బిగ్గెస్ట్ మల్టీ స్టారర్ అయిన సీతమ్మ వాకిట్లో సమయంలో కూడా వెంకీ, మహేష్ తో కలిసి ఇంటర్వ్యూలు ఇచ్చాడు. అయితే ఇప్పుడు ప్రతీ ఒక్కరూ ఖైదీ నంబర్ 150, గౌతమీపుత్ర శాతకర్ణి గురించే మాట్లాడుతున్నారు తప్ప అండర్ డాగ్ గా రాబోతున్న ఆ చిత్రం గురించి పన్నెత్తి మాట ఎత్తటం లేదు.

ఇది చాలదన్నట్లు దిల్ రాజు సైలెంట్ గా ఉండటం వెనుక ఏవైనా వ్యూహాలు ఉన్నాయా? అన్న ఆలోచనలు కలగకమానవు. అయితే సంక్రాంతికి ఎన్ని సినిమాలు వచ్చినా కంటెంట్ బాగా ఉంటే జనాలు తప్పక ఆదరిస్తారనే కాన్ఫిడెంట్ తో ఉన్నాడు. గతేడాది మూడు పెద్ద చిత్రాల మధ్యలో ఎక్స్ ప్రెస్ రాజా రిలీజైంది. దానిని కూడా ఆ సమయంలో రాజుగారే రిలీజ్ చేసి లాభపడ్డాడు. అందుకే ఇప్పుడు రెండు బిగ్ ప్రాజెక్టులు ఉన్నా ఏ మాత్రం బెణకకుండా మౌత్ టాక్ చాలనుకుంటున్నాడు.

ఇప్పటికే స్పెషల్ షో ద్వారా శతమానం భవతి సూపర్ ఉందనే టాక్ వచ్చింది. సంక్రాంతి పండగకి ఫర్ ఫెక్ట్ ఫ్యామిలీ సినిమా అని చూసిన డిస్ట్రిబ్యూటర్లు బలంగా ఫిక్సయ్యారు. అందుకే పెద్దగా హడావుడి లేకుండా సింపుల్ గా కానిచ్చేదామన్నది దిల్ రాజు ఆలోచన. బియ్యపు గింజ మీద తినే వాడి పేరు పేరు రాసి ఉంటుదన్నట్లు ఎవరో చేయాల్సిన ప్రాజెక్టు(ముందు సాయి ధరమ్ తేజ్, తర్వాత రాజ్ తరుణ్) నుంచి ఈ సినిమా తన చేతికి రావటం తన అదృష్టమని శర్వానంద్ చేసిన వ్యాఖ్యలే సినిమా కంటెంట్ పట్ల యూనిట్ ఎంత బలంగా ఉందో అర్థం చేసుకోవచ్చు.