స్టార్ కమెడియన్ వ్యాఖ్యలు ఎవరిని ఉద్దేశించి?

Posted: 11/07/2016 03:52 PM IST

టాలీవుడ్ లో ఎప్పుడు ఎవరి ఫేట్ ఎలా మారిపోతుందో అస్సలు చెప్పలేం. స్టార్ హీరోగా ఒకప్పుడు వెలుగు వెలిగిన వారు తిరిగి అదో:పాతాళానికి పడిపోయే స్టేజీకి దిగజారగా, క్యారెక్టర్ ఆర్టిస్ట్ నుంచి స్టార్లుగా ఎదిగిన వారు ఎందరో ఉన్నారు. అయితే వీరిలో రాత్రికి రాత్రే స్టార్లుగా ఎదిగిన వారి కంటే, తమ స్వయంకృషితో పైకొచ్చిన వారే ఎక్కువ. అదే సమయంలో మధ్య మధ్యలో వారు చేసే ప్రయోగాలు వారికి మంచి గుణపాఠాలు కూడా నేర్పుతుంటాయి. ముఖ్యంగా హీరోలుగా మారిన ఆర్టిస్టుల విషయంలో...

ఇక విషయానికొస్తే... రీసెంట్ గా ఓ టాలీవుడ్ ఆడియో పంక్షన్ జరిగింది. దీనికి టాలీవుడ్ టాప్ హీరో గెస్ట్ గా హాజరై సినిమాకు కావాల్సినంత ఫ్రీ పబ్లిసిటీ తెచ్చిపెట్టాడు. అయితే కమెడియన్ నుంచి హీరోగా మారిన ఆర్టిస్ట్ గారి పంక్షన్ కి... అదే రూట్ లోనే ప్రయాణించిన మరో ఇద్దరు నటులు గెస్టులుగా హాజరయ్యారు. అందులో ఒకరు సీనియర్ కమెడియన్ కాగా, మరోకరు దశాబ్దంపాటు టాలీవుడ్ ను ఏలి తర్వాత పూర్తిగా హీరోగా మారిపోయాడు.

ఇక సదరు సీనియర్ నటుడు మాట్లాడుతూ... ‘కమెడియన్లు కూడా హీరోలుగా రాణించగలరు. అయితే అది ఓ లాటరీ అని గుర్తుపెట్టుకోవాలి. లాటరీ అనేది ఒక్కసారే తగులుతుంది. అలా తగిలాక ఆ డబ్బులను జేబులో పెట్టుకుని రిలాక్స్‌ అయిపోవాలి. అంతేగానీ మళ్లీ మళ్లీ లాటరీ టిక్కెట్లు కొనగూడదు. కమెడియన్‌గానే కొనసాగాలి’ అంటూ కొత్త హీరోకి క్లాస్ పీకాడు.

అయితే ఆ పక్కనే ఉన్న కమెడియన్ టర్న్ హీరో ఈ మాటలతో ఒక్కసారిగా హర్టయ్యాడంట. ఎందుకంటే గత కొంత కాలంగా ఆయన ఖాతాలో ఒక్క హిట్ లేదు. కానీ, సదరు వ్యాఖ్యలు ఆయన్ని ఉద్దేశించి చేసినవో లేదో తెలీదుగానీ ప్రస్తుతం మీడియా మాత్రం ఆ వ్యాఖ్యలు ముమ్మాటికీ అతన్ని ఉద్దేశించి చేసినవే అంటూ వార్తలు రాసేస్తున్నాయి. ఇంతకీ ఆ వ్యాఖ్యలు చేసింది ఎవరోకాదు కాట్రవల్లి ఆలీ. మరి ఆ కామెంట్లు ఎవరిని ఉద్దేశించి చేసినవో ఈపాటికే మీకు అర్థమై ఉంటుంది కూడా.