నితిన్ ఘోరంగా హ్యాండిచ్చినట్లేనా?

Posted: 07/27/2016 11:06 AM IST

కొత్త కథల ఎంపికలో దర్శకులందరినీ లైన్ లో పెట్టి ఎవరికీ అవకాశం ఇవ్వకుండా ఊరిస్తున్నాడు యువ హీరో నితిన్. కనిథన్ రీమేక్ తోపాటు మరో రెండు కథలు, రెండు సీక్వెలు ఇలా దాదాపు ఐదారు అతని దగ్గర ఉన్నాయి. వీటిలో ఒక్కటి కూడా ఓకే చేయకపోవటం ఆశ్చర్యమే. ఇక దర్శకుడు విజయ్ కుమార్ కొండా తో  'గుండెజారి గల్లంతయ్యిందే' తో హిట్ కొట్టాడు నితిన్.

యూత్ ను విపరీతంగా ఆకట్టుకుంటూ ఈ సినిమా అనూహ్యమైన విజయాన్ని సాధించింది. దాంతో ఈ సినిమాకి సీక్వెల్ రానున్నట్టుగా ఇటీవల వార్తలు షికారు చేస్తున్నాయి. అయితే ఈ సీక్వెల్ కు ఇంత వరకు నితిన్ గ్రీన్ సిగ్నల్ ఇవ్వలేదని చెబుతున్నారు. ఒక లైలా కోసం తీసిన తర్వాత దాదాపు ఏడాదిన్నర గా విజయ్ కుమార్ నితిన్ కోసమే కాచుకోని కూర్చుకున్నాడు. అయినా అతని వెయిటింగ్ ను లైట్ తీస్కున్న నితిన్ మరో దానిని పూర్తిగా పక్కకు పెట్టినట్లు చెబుతున్నారు.

దీంతో ఈ కథ మెగా క్యాంపులోని హీరోలతో ఉంటుందనేది సంకేతాలు అందుతున్నాయి.  దాంతో గీతా ఆర్ట్స్ బ్యానర్ పై ఈ సీక్వెల్ చేయాలనే ఆలోచనలో విజయ్ కుమార్ కొండా ఉన్నాడంట. ప్రస్తుతం అల్లు అరవింద్ తో విజయ్ సంప్రదింపులు జరుపుతున్నాడు. అన్ని ఓకే అయితే ఈ సీక్వెల్ అల్లు శిరీష్ తో తెరకెక్కించనున్నారు.

-భాస్కర్