ఇటు పవన్ - అటు చరణ్

Posted: 06/27/2016 12:53 PM IST

టాలీవుడ్ లో ప్రముఖ నిర్మాత దిల్‌రాజు, మాటల మాంత్రికుడు త్రివిక్రమ్‌ల కాంబినేషన్‌లో ఓ సినిమా కొద్దిరోజుల క్రితమే అనౌన్స్ అయిన విషయం తెలిసిందే. ఇండస్ట్రీలోని ఓ టాప్ నిర్మాత, దర్శకుడు కలిసి చేయనున్న సినిమా కావడంతో ఈ కాంబినేషన్‌ కుదిరినప్పటిని నుంచే అంచనాలు పెరిగిపోయాయి. ఇక ఈ సినిమాలో హీరోగా ఎవరు నటిస్తారన్నది మాత్రం ఇప్పటికీ సస్పెన్స్ గానే ఉంది.  ఓ స్టార్ హీరోతోనే తమ సినిమా ఉంటుందని ప్రకటించిన దిల్‌రాజు, ఆ స్టార్ హీరో ఎవరన్నది మాత్రం ప్రకటించలేదు.

ఇక తాజాగా త్రివిక్రమ్‌తో చేయబోయే సినిమా గురించి మాట్లాడుతూ, దిల్‌రాజు ఓ ఆసక్తికర విషయం తెలిపారు. “త్రివిక్రమ్‌తో సినిమాకు రంగం సిద్ధమవుతోంది. త్రివిక్రమ్ ఏ హీరోతో సినిమా చేయాలనుకుంటూన్నాడో నాకు ఇంకా తెలియదు. నేనైతే పవన్ కళ్యాణ్‌తోనే ఈ సినిమా ఉండేలా ప్లాన్ చేస్తున్నా. ఎందుకంటే అది నా చిరకాల కోరిక అని చెప్పారు. త్రివిక్రమ్ దగ్గర ఇప్పటికే పవన్ కళ్యాణ్‌ గారికి ఒక స్క్రిప్ట్ రెడీగా ఉంది. త్వరలోనే ఈ సినిమా ప్రోగ్రెస్ ఏంటనేది తెలియజేస్తామని” అన్నారు. పవన్ కళ్యాణ్ కుదరకపోతే ఇదే కాంబినేషన్‌లో రామ్ చరణ్ హీరోగా సినిమా తెరకెక్కే అవకాశాలు కూడ కనిపిస్తున్నాయని చెప్తున్నారు ఫిలిం నగర్ వాసులు.

మరి త్రివిక్రమ్ శ్రీనివాస్ ఈసారి ఎలాంటి హీరోతో ఈ సినిమా చేస్తాడా అన్నది ఆసక్తికరంగా మారింది.