గ్యాప్ లో దూరి బన్నీని గెలికిందెవరు?

Posted: 06/24/2016 03:17 PM IST

New twist in allu arjun upcoming project

సరైనోడు వంద రోజులు దగ్గర పడుతున్నప్పటికీ తన నెక్స్ట్ ప్రాజెక్ట్ విషయంలో బన్నీ ఇప్పటిదాకా ఏ క్లారిటీ ఇవ్వలేకపోయాడు. గతంలో మాదిరిగానే చాలా గ్యాప్ ఇచ్చి మొదలుపెడతాడనే వార్తలు వినిపిస్తున్నప్పటికీ అది ఎవరితోనే అనేది ముందుగానే అనౌన్స్ చేయటం స్టైలిష్ స్టార్ కి అలవాటే. కానీ ఈసారికి మాత్రం తన తదుపరి ప్రాజెక్ట్ ఎవరితో అన్న విషయంలో చాలా సస్పెన్స్ మెయింటెన్ చేస్తున్నాడు.

విక్రమ్ కుమార్ తో గానీ లేదా తమిళ డైరక్టర్ లింగుస్వామితో గాని కలిసి ఒక సినిమా చేయనున్నాడనే వార్తలు ఎప్పటి నుంచో షికారు చేశాయి. ఒకసారి లింగుస్వామికి హ్యాండిచ్చాడని, ఒకసారి విక్రమ్ కుమార్ కు నో చెప్పాడని ఇలా గాసిప్స్ వినిపించాయి. కానీ, ఫైనల్ గా ఇద్దరిలో ఒకరితోనే అని అంతా ఫిక్సయ్యారు. అయితే సడన్ ట్విస్ట్ లాగా ఇద్దరితో చివరి నిమిషంలో తేడా కొట్టిందట. అదే సమయంలో మరో డైరక్టర్ గ్యాప్ లో దూరిపోయి బన్నీకి కథ వినిపించాడట. ఇంతకీ ఆ డైరక్టర్ ఎవరో కాదు మిరపకాయ్, గబ్బర్ సింగ్ చిత్రాల దర్శకుడు హరీష్ శంకర్.

బన్నీకి వినిపించిన స్టోరీ లైన్ ఓకే కావటంతో, ప్రస్తుతం దాన్ని డెవలప్ చేసే పనిలో హరీశ్ బిజీగా ఉన్నట్లు తెలుస్తోంది. కొత్త సినిమా మొదలుపెట్టడానికి బన్నీ ఎంత లేదన్న 6 నెలల టైం తీసుకుంటుంటాడు. సరైనోడు విడుదలై మూడు నెలలు గడుస్తోంది. అంటే మరో మూడు నెలల గ్యాప్ లో హరీష్ స్టోరీ డెవలప్ చేస్తే చాలూ ఈ వరుస యాభై కోట్ల హీరోతో సినిమా చేసే ఛాన్స్ దక్కుతుంది. అన్నట్లు ఈ చిత్రానికి దిల్ రాజు నిర్మాతగా వ్యవహరించే కూడా ఉన్నట్లు సమాచారం.

భాస్కర్