'కబాలి' వస్తే రజనీకి రిస్కే...!

Posted: 06/14/2016 01:45 PM IST

Rajinikanth movie kabali in risk in releasing

సూపర్ స్టార్ రజనీకాంత్ హీరోగా తెరకెక్కుతున్న సెన్సేషనల్ మూవీ కబాలి. రెండు భారీ డిజాస్టర్ల తరువాత రజనీ హీరోగా తెరకెక్కిన సినిమా కావటంతో అభిమానులతో పాటు చిత్ర యూనిట్ కూడా ఈ సినిమా మీద భారీ ఆశలు పెట్టుకుంది. అందుకు తగ్గట్టుగా రిలీజ్ డేట్ విషయంలో ఎలాంటి రిస్క్ లేకుండా ఉండేలా ప్లాన్ చేసుకుంటున్నారు. అయితే ఈ ప్లానింగ్ అభిమానులకు మాత్రం నిరాశే మిగులుస్తోంది.

ఇప్పటికే రెండు సార్లు వాయిదా పడిన కబాలి సినిమాను మరోసారి వాయిదా వేయాలని భావిస్తున్నారట. సాధారణంగా రజనీ సినిమా రిలీజ్ సమయంలో మరే సినిమా రిలీజ్ చేయడానికి సాహసించరు. అయితే కబాలి రిలీజ్ అనుకుంటున్న జూలై 1న కటప్ప పాత్రతో తెలుగు ప్రేక్షకులకు దగ్గరయిన సత్యరాజ్ ప్రధాన పాత్రలో నటిస్తున్న 'జాక్సన్ దురై' సినిమాతో పాటు మరో తమిళ సినిమా 'జోకర్'ను రిలీజ్ చేయడానికి ప్లాన్ చేస్తున్నారు.

రంజాన్ సందర్భంగా సల్మాన్ ఖాన్ హీరోగా తెరకెక్కిన సుల్తాన్ సినిమా రిలీజ్ అవుతోంది. అయితే నేషనల్ మార్కెట్ను టార్గెట్ చేసిన కబాలి టీమ్ ఇప్పుడు సుల్తాన్ కి పోటీగా వస్తే మాత్రం రిస్క్ లో పడుతుందని చెప్తున్నారట. పైగా సల్మాన్ ఖాన్ సినిమాకి ఓవర్సీస్ లో మంచి బిజినెస్ ఉంటుంది కాబట్టి స్క్రీన్స్ విషయంలో కూడ సల్మాన్ కి , రజనీకి క్లాషెష్ వచ్చే అవకాశాలు ఉన్నాయని చెబుతున్నారు. దీంతో కబాలి టీమ్ సినిమాని వాయిదా వేసే ఆలోచనలో పడినట్లుగా కోలీవుడ్ వర్గాలు చెబుతున్నాయి.

- మూర్తి