అక్కడ ఇక్కడ ఒకేసారి...!

Posted: 06/13/2016 02:46 PM IST

ఇప్పటివరకు టాలీవుడ్‌ పైనే ఎక్కువగా ఆసక్తిచూపిన స్టార్ హీరోలంతా ఇప్పుడు మార్కెట్‌ ని పెంచుకునే పనిలో పడ్డారు. అదే రూట్ లో ఇప్పుడు యంగ్‌ టైగర్‌ ఎన్టీఆర్ కూడా మాలీవుడ్‌ పై కన్నేశాడు. అయితే అందరిలాగా సినిమా రిలీజ్ ముందు, పాటల విడుదలకు మాత్రమే అక్కడి ప్రేక్షకులను పలకరించడానికి వెళ్లే హీరోలలాగా కాకుండా డిఫరెంట్‌ గా స్కెచ్‌ వేశాడు. ఇంతకీ ఎందుకా అని ఆరా తీస్తే...,

ప్రస్తుతం కొరటాల డైరక్షన్‌ లో తారక్‌ 'జనతాగ్యారేజ్‌' సినిమా చేస్తున్న సంగతి తెలిసిందే. ఇప్పటికే విడుదలైన ఫస్ట్‌ లుక్‌ ఇటు తెలుగు వాళ్లనే కాదు, అటు మాలీవుడ్‌ ప్రేక్షకులను కూడా ఆకట్టుకుంటోంది. అయితే ఆడియో రిలీజ్ కి ఇంకా టైమ్ ఉండటంతో ఇప్పుడు టీజర్ ని గ్రాండ్‌ గా రిలీజ్‌ చేసే పనిలో ఉంది చిత్రయూనిట్. ఈ రంజాన్ పండుగ సందర్భంగా టీజర్ ని విడుదల చేసే అవకాశాలు కనిపిస్తున్నాయి.

అంతేకాదు ఒకేసారి మలయాళంలో కూడా టీజర్‌ రిలీజ్‌ కు ప్లాన్‌ చేస్తున్నారు. ఈ నేపథ్యంలో తన మలయాళంలో మార్కెట్ ని పెంచుకునేందుకై ప్రయత్నంగా ఇప్పుడు రెండు భాషల్లో కలిపి టీజర్ ని రిలీజ్ చేస్తున్నారు. మరోవైపు ఈ సినిమాలో మలయాళం సూపర్ స్టార్ మోహన్ లాల్ ఉండటం, మరో యంగ్ స్టార్ ఉన్ని ముకుందన్ కూడ నటిస్తుండటంతో ఇప్పుడు ఒక్కసారిగా ఈ సినిమాపై మాలీవుడ్ లో కూడ భారీ అంచనాలు పెరిగిపోయాయి. అందుకే అక్కడ కూడ ఒకేసారి ఈ టీజర్ ని విడుదల చేసేందుకు ప్లాన్ చేస్తున్నారు.

- మూర్తి