ఆపని చేస్తే.. చెంప పగలకొట్టింది...!

Posted: 06/11/2016 01:31 PM IST

తెలుగులో సూపర్ డూపర్ హిట్ చిత్రాలతో ఒక ఊపు ఊపిన త్రిష ఇటీవలే ఒక ఇరకాటంలో పడింది. తమిళంలో వరుస ఆఫర్లతో బిజీగా ఉన్న ఈ అమ్మడు ఇటీవల హారర్ సినిమాలలో తెగ నటించేస్తోంది. భూలోహం, అరణ్మనై తెలుగులో కళావతి, నాయికి లాంటి హారర్ సినిమాలను గ్యాప్ లేకుండా చేస్తోంది. ప్రస్తుతం తమిళంలో కోడి, మోహిని అనే సినిమాలను చేస్తోంది ఈ అమ్మడు.

మోహిని సినిమా షూటింగ్ నిమిత్తమై త్రిష అండ్ టీమ్ లండన్ లో ఒక సాంగ్ చిత్రీకరణలో పాల్గొంది. ఈ షూటింగ్ లో త్రిష వెనక ఉన్న డ్యాన్సర్ ఎవరో త్రిష అందాన్ని చూస్తూ మైమరిచిపోయి తన నడుంని, ఇంకా తన అందాలను తన కెమెరాలో బంధించాడట.

ఈ విషయం గమనించిన త్రిష ఆ డ్యాన్సర్ ని చెంప పగలకొట్టి గట్టిగా బుద్ది చెప్పిందట. దాంతో సెట్స్ లో గందరగోళం ఏర్పడింది. మిగతా డ్యాన్సర్స్ అందరూ త్రిష చేయిచేసుకోవడం పై ఘాటుగా స్పందించారట. ఈ అమ్మడికి ఈ మద్య చెయ్యి దురుసు అయ్యిందంటూ వెంటనే క్షమాపణ చెప్తేనే షూటింగ్ అని బెదిరించారట. అయితే, తనని అసభ్యంగా కెమెరాలో షూట్ చేయటం పట్ల త్రిష వెనక్కి తగ్గేది లేదంటూ షూటింగ్ కి తనదైన స్టైల్లో పేకప్ చెప్పి వెళ్లిపోయిందట. దీంతో ఆ సినిమా సాంగ్ షూటింగ్ ఆ రోజుకి వాయిదా పడింది.
ఆ తర్వాత త్రిష కి డ్యాన్సర్స్ కి మద్య పొత్తు కుదరటంతో ఆ డ్యాన్సర్ క్షమాపణ చెప్పినట్లు, త్రిష కూడ చేయిచేసుకున్నందుకు చింతించినట్లు సమాచారం తెలుస్తోంది.  

ఏది ఏమైనా లేట్ వయసులో కూడ మరింత అందంగా కనిపిస్తున్న ఏకైక హీరోయిన్ త్రిషేనని, మళ్లీ హారర్ సినిమాలతో తన సెకండ్ ఇన్నింగ్స్ బిగిన్ చేసినట్లేనని చెప్తున్నారు సినీ పండితులు.