'సుకుమార్' ఫార్ములా ఫాలో...!

Posted: 06/11/2016 12:25 PM IST

టాలీవుడ్ లో ఎన్నో బ్లాక్ బస్టర్ సినిమాలను చేసిన దర్శకేంద్రుడు రాఘవేంద్రరావు దర్శకత్వంలో మరోసారి అక్కినేని నాగార్జున వెంకటేశ్వరస్వామి భక్తుడుగా తెరకెక్కనున్న సినిమా 'బాబా హథీరామ్'. ఈ సినిమాకి సంబంధించిన స్క్రిప్ట్ వర్క్ ని చాలా పకడ్భందీగా తయారుచేస్తున్నాడు దర్శకేంద్రుడు. తాజా సమాచారం ప్రకారం ఈ సినిమా ప్రారంభానికి ముందే నాగార్జున తో బాబా గెటప్ వేయించి ఫోటో షూట్ చేసేందుకు చిత్రయూనిట్ ప్రయత్నాలు చేస్తోందట.

తలపాగా, తెల్లగడ్డం చేతిలో చిన్న త్రిశూలం తో నాగార్జునతో గెటప్ వేయించి ఫోటోషూట్ చేసేందుకు రెడీ అయిపోయారు. దీనికి సంబంధించిన చిత్రాలను త్వరలోనే సోషల్ సైట్స్ ద్వారా పబ్లిక్ లోకి తీసుకెళ్లి రెస్పాన్స్ ఎలా ఉందో తెలుసుకుంటారట. నిజానికి ఈ ఐడియా గతంలో డైరెక్టర్ సుకుమార్ వేసి ఫలితాన్ని సంపాదించాడు. నాన్నకు ప్రేమతో సినిమా స్టార్ట్ చేయడానికి ముందే జూనియర్ ఎన్టీఆర్ లుక్ ఎలా ఉంటుందో తెలుసుకునేందుకు ఫోటో షూట్ చేసి దాన్ని సోషల్ సైట్స్ లో పెట్టాడు. దానికి వచ్చిన విపరీతమైన రెస్పాన్స్ ని చూసాక మంచి కాన్ఫిడెంట్ తో సినిమా తీసి సక్సెస్ సాధించాడు.
ఇప్పుడు కూడ రాఘవేంద్రరావుగారు ఈ విషయంలో సుకుమార్ నే ఫాలో అవుతున్నాడట.

ఈ సినిమాకి సంబంధించిన స్క్రిప్ట్ పనులను కూడ జెకె భారవి ఆధ్యర్యంలో పూర్తిగా రెడీ అవుతున్నట్లుగా సమాచారం తెలుస్తోంది. అతి త్వరలో సినిమా సెట్స్ పైకి వెళ్తుందని, దీనికోసం ప్రత్యేకించి ఇప్పటికే ఆర్ట్ డిపార్ట్మెంట్ వాళ్లు కొన్ని సెట్స్ కూడ రూపొందించారని తెలుస్తోంది. ఇక ఆధ్యాత్మికానికి కాస్తంత శృంగారాన్ని మేళవించే దర్శకుడు రాఘవేంద్రరావు ఈ సినిమాని ఎలా తీయబోతున్నాడో అని ఆసక్తిగా ఎదురుచూస్తున్నారు అభిమానులు.   
 
- మూర్తి