సమంతా నిండిపో...మా మనసంతా...!

Posted: 06/04/2016 03:37 PM IST

Samantha became no 1 actress in south film industry

తెలుగు సినీ ఇండస్ట్రీలో చాలా మంది హీరోయిన్స్ వస్తుంటారు పోతుంటారు. అయితే ఇటీవల కాలంలో కొంతమంది హీరోయిన్స్ మాత్రం అటు అగ్రహీరోలతో సినిమాలు చేస్తూనే ఇటు కుర్రహీరోలతో కూడ సినిమాలు చేస్తూ ప్రేక్షకులను ఆకట్టుకుంటున్నారు. ఈ లిస్ట్ లో ఫస్ట్ ఉండేది తమన్నా, కాజల్ అయితే ఇప్పుడు ఆలిస్ట్ ని ఓవర్ టేక్ చేస్తూ సమంత వారికంటే ముందుకు దూసుకుపోయిందనే అంటున్నారు సినీ పండితులు.

ఎందుకంటే, ఇటీవల కాలంలో సమంత చేసినన్ని సౌత్ ఇండియన్ సినిమాలు మరే హీరోయిన్ చేయలేదు. కాజల్ అగర్వాల్ కేవలం తమిళంలో రెండు, తెలుగులో రెండు సినిమాలు మాత్రమే చేసింది. అదే 2015లో అయితే జూనియర్ ఎన్టీఆర్ తో టెంపర్ సినిమాలో మాత్రమే నటించింది. అలాగే తమన్నా కూడ కొన్ని సినిమాలతోనే గత రెండు సంవత్సరాలుగా బండిలాగింది. కానీ, సమంత మాత్రం అటు కోలీవుడ్ లోనూ, ఇటు టాలీవుడ్ లోను వరుసగా సినిమాలు చేస్తూ ప్రేక్షకులకు మరింత దగ్గరయిపోయింది.

అంతేకాకుండా, సమంత ఈ సంవత్సరం ఏకంగా 6 సినిమాలు చేస్తే వచ్చే యేడాదికి అమ్మడి చేతిలో ఐదు సినిమాలు ఉన్నాయి. దీనినిబట్టే సమంత ఎంత బిజీగా ఉందో చెప్పొచ్చు. తమిళంలో అటు విక్రమ్ , విజయ్ , సూర్యలాంటి టాప్ స్టార్స్ తో నటిస్తే, తెలుగులో మహేష్ బాబు, నితిన్ , జూనియర్ ఎన్టీఆర్ లతో నటిస్తూ ప్రేక్షకులను తనదైన స్టైల్లో అలరించింది. ఇప్పుడున్న అగ్రహీరోయిన్స్ అందర్ని ఓవర్ టేక్ చేసుకుంటూ సౌత్ ఇండియన్ ఫిలిం ఇండస్ట్రీలోనే టాప్ పొజిషన్ లో కూర్చుంది. తెలుగులో నెం వన్ హీరోయిన్ గా ఈ సంవత్సరం తన మార్క్ ని చూపించిందంటున్నారు సినీ పండితులు.