మళ్లీ ఊరమాస్ కథే...!

Posted: 06/04/2016 12:59 PM IST

Purijaganadh maheshbabu combination mass story ready

పోకిరి, బిజినెస్ మాన్ సినిమాలతో తనలోని మాస్ యాక్షన్ ని చూపించిన మహేష్ బాబు మరోసారి పూరీ జనగన్నాథ్ తో మాస్ యాక్షన్ ని చూపించేందుకు రెడీ అవుతున్నాడు. 'జనగణమన' అనే టైటిల్ లో మహేష్ బాబుని ఊరమాస్ గా చూపించేందుకు పూరీ జగన్ స్క్రిప్ట్ రెడీ చేస్తున్నట్లుగా ఫిలిం నగర్ లో టాక్ మొదలైంది.

ఈ సినిమాలో మహేష్ బాబు లుక్ ని , డైలాగ్స్ ని , క్యారెక్టర్ ని మాస్ కి నచ్చే విధంగా స్క్రిప్ట్ పనులు జరుగుతున్నట్లుగా సమాచారం.

పూరి సినిమాలన్నీ దరిదాపు హీరో అనాథ, హీరోయిన్ని వెంటపడి ప్రేమిస్తాడు అన్న కాన్సెప్ట్ తో ఉంటాయి. డైలాగులు కూడా అలానే ఉంటాయి. కానీ ఇప్పుడు ఆయనికి వరస ఫ్లాపులు పలకరించడంతో రూటు మార్చాడట.

మహేష్ బాబు కోసం ఓ పక్కా ఊరమాస్ సినిమాని ఈ ట్రెండ్ కి తగ్గట్టు చూపించబోతున్నాడట. ఒక సామాజిక అంశాన్ని ముఖ్య కధాంశంగా తెరకెక్కించే పనుల్లో పూరీ అండ్ కో ఉన్నట్లుగా తెలుస్తోంది. మహేష్ బాబు ఇంతవరకు టచ్ చేయని ఊరమాస్ క్యారెక్టర్ ఎలా ఉంటుందో అని ఇప్పుడు అభిమానుల్లో ఆసక్తి నెలకొంది. అయితే ఈ సినిమాని మాత్రం 2017 సంవత్సరంలోనే తెరకెక్కించేందుకు వీలు కుదురుతుందట. ఎందుకంటే, ఒక పక్క మహేష్ బాబు మురుగదాస్ సినిమాతో బిజీగా ఉండటం, మరో పక్క పూరీ జగన్ వరుసగా నందమూరి హీరోలతో బిజీగా ఉండటం వల్ల ఈ సినిమా ఇప్పుడప్పుడే పట్టాలెక్కే సూచనలు కనిపించడం లేదు.

కొసమెరుపు ఏంటంటే, ఈ సినిమాకి పూరీ జగన్ మహేష్ బాబు దగ్గర కేవలం 40రోజుల కాల్షీట్స్ మాత్రమే తీసుకున్నాడట. అందుకే సినిమా టైటిల్ తో సహా రివీల్ చేసి ఇప్పటినుంచే సినిమాపై ఆసక్తిని రేపుతున్నాడని చెబుతున్నారు సినీ పండితులు.