కేరళలో తొడ కొట్టేందుకు రెడీ..!

Posted: 06/03/2016 01:49 PM IST

టాలీవుడ్ లో జూనియర్ ఎన్టీఆర్ రేంజ్ రోజు రోజుకీ పెరిగిపోతోంది. మొన్న తారక్ బెంగుళూరులో తొడకొడితే, ఇప్పుడు కేరళలో తొడకొట్టేందుకు సిద్ధం అయిపోయాడు. విషయం ఏంటంటే, జనతాగ్యారేజ్ షూటింగ్ లో మోహన్ లాల్ కన్నడలో పునీత్ రాజ్ కుమార్ నటించిన చక్రవ్యూహ అనే సినిమాలో గెలియ ...గెలియ అనేపాట విన్నాడట. ఆ పాట పాడింది జూనియర్ ఎన్టీఆరే అని తెలుసుకుని ఆశ్చర్యపోయాడట. దీంతో తారక్ ని ఒక మలయాళం పాట కూడ పాడమని రిక్వైస్ట్ చేశాడట. దానికి తారక్ కూడ అప్పుడు సరే అన్నాడు.

అయితే, ఇప్పుడు మాత్రం మోహన్ లాల్ పట్టుబట్టి మరీ జూనియర్ తో మలయాళంలో ఒక పాటను పాడిస్తున్నట్లుగా సమాచారం తెలుస్తోంది. మోహన్ లాల్ నటిస్తున్న ఓప్పమ్ అనే సినిమాలో ఒక పాటకు జూనియర్ గొంతు అయితే బాగుంటుందని అందుకే తారక్ తో పాడిస్తున్నట్లుగా తెలుస్తోంది.

ప్రస్తుతం జూనియర్ ఎన్టీఆర్ చెన్నై లో జనతా గ్యారేజ్ షూటింగ్ లో ఉన్న సంగతి తెలిసిందే. ఇప్పుడు అక్కడే ఈ పాట రికార్డింగ్ పెట్టుకోనున్నట్లుగా సమాచారం. మోహన్ లాల్ నటిస్తున్న ఓప్పమ్ అనే సినిమా సైంటిఫిక్ థ్రిల్లర్ అని ఈ సినిమాలో మోహన్ లాల్ ఒక అంధుడిగా నటిస్తున్నట్లు చెప్తున్నారు అందరూ. ఇప్పుడు జూనియర్ ఎన్టీఆర్ పాడబోయే పాట కూడ బ్యాక్ గ్రౌండ్ లో వచ్చే పాట అని చెప్తున్నారు.

ఇప్పటికే తారక్ గొంతు అటు శాండిల్ వుడ్ ని ఒక ఊపు ఊపేస్తుంటే, ఇప్పుడు ఈ పాడబోయే మలయాళం పాట మాలీవుడ్ లో ఎన్ని రికార్డ్స్ క్రియేట్ చేస్తుందో అని చెప్తున్నారు సినీ విశ్లేషకులు.   

- మూర్తి