నువ్వంటే నాకెంతో ఇష్టం...!

Posted: 06/02/2016 01:12 PM IST

ప్రస్తుతం ఫారిన్ టూర్ ని ఎంజాయ్ చేస్తున్న స్టైలిష్ స్టార్ అల్లు అర్జున్ తన తర్వాత సినిమాని షూరూ చేసేందుకు ప్రయత్నాలు చేస్తున్నాడు. ఇప్పటికే విక్రమ్ కె కుమార్ తో సినిమాని ఓకే చేసిన అల్లు అర్జున్ ఈ సినిమాకి సంబంధించిన స్టార్ కాస్టింగ్ ని ఫిక్స్ చేస్తున్నట్లుగా సమాచారం తెలుస్తోంది. చరిత్ర ఆధారంగా గత జన్మకి సంబంధించిన స్క్రిప్ట్ వర్క్ ని ఇప్పటికే విక్రమ్ సిద్ధం చేసినట్లుగా, జూన్ నెలలో ఈ సినిమా రెగ్యులర్ గా షూటింగ్ జరుపుకోనున్నట్లుగా వార్తలు వినిపిస్తున్నాయి.

అయితే, విక్రమ్ కె కుమార్ ఈ సినిమాకోసం బన్నీ సరసన హీరోయిన్ గా మళ్లీ సమంతకే ఓటేస్తున్నాడట. అందుకే సమంత డేట్స్ కోసం చూస్తున్నట్లుగా సమాచారం. అయితే కథ అనుగుణంగా సినిమాలో ఇద్దరు హీరోయిన్స్ ఉన్న నేపథ్యంలో ఇప్పుడు రెండో హీరోయిన్ ని కూడ వెతుకుతున్నట్లుగా తెలుస్తోంది. ఇంతవరకూ బన్నీతో నటించని హీరోయిన్ అయితే ఫ్రెష్ గా ఉంటుందని విక్రమ్ కుమార్ కొత్త భామలకోసం చూస్తున్నాడట.

మలయాళంలో ప్రేమమ్ సినిమాతో అందర్ని ఆకట్టుకున్న పల్లవిని పరిశీలిస్తున్నట్లుగా చెప్తున్నారు ఫిలింనగర్ వాసులు. రెండో హీరోయిన్ మాట అటు ఉంచితే, విక్రమ్ కె కుమార్ తో ముచ్చటగా మూడోసారి పనిచేసేందుకు, బన్నీతో కలిసి మళ్లీ వర్క్ చేసేందుకు సమంత చాలా ఇంట్రస్ట్ గా ఉందని, ఎంత బిజీగా ఉన్నాసరే ఈ సినిమాకోసం డేట్స్ ఇస్తానని డైరెక్టర్ కి చెప్పినట్లుగా టాక్. ఇక వీళ్లిద్దరూ మళ్లీ సమంతనే ఫిక్స్ చేయడం ఖాయమని చెప్తున్నారు అందరూ. ఈ విషయం అధికారికంగా త్వరలోనే ప్రకటించే అవకాశముందని చెప్తున్నారు.
 
- పరిటాల మూర్తి