మహేష్ కి హీరోయిన్ ఫిక్స్...!

Posted: 06/02/2016 12:16 PM IST

టాలీవుడ్ ప్రిన్స్ మహేష్ బాబు బ్రహ్మోత్సవం సినిమా తర్వాత డైరెక్టర్ మురుగదాస్ తో సినిమా చేస్తున్న సంగతి తెలిసిందే. ప్రస్తుతం మహేష్ ఫ్యామిలీతో లండన్ టూర్ ని ఎంజాయ్ చేస్తున్నాడు. ఈ టూర్ ముగించుకుని వచ్చాక మురుగదాస్ సినిమాలో రెగ్యులర్ షూటింగ్ లో పాల్గొంటాడు. ఈ నేపథ్యంలో మురుగదాస్ మహేష్ బాబుకి హీరోయిన్ ని ఫిక్స్ చేసే పనిలో ఉన్నాడట. ప్రస్తుతం మురుగదాస్ చేస్తున్న అఖిరా సినిమాలో హీరోయిన్ సోనాక్షి సిన్హానే మహేష్ బాబు సరసన నటించనున్నట్లుగా చిత్రయూనిట్ వర్గాలనుంచి సమాచారం తెలుస్తోంది.

అఖిరా సినిమా షూటింగ్ లోనే సోనాక్షి సిన్హా మహేష్ సినిమా గురించి చాలాసార్లు అడిగిందని, మహేష్ బాబుతో ఎప్పటినుంచో నటించాలని ఉందని డైరెక్టర్ మురుగదాస్ ని అడుగుతోందని చెప్తున్నారు. అయితే మురుగదాస్ మాత్రం మహేష్ గ్రీన్ సిగ్నల్ కోసం ఇన్నాళ్లు అపినట్లుగా, ఇప్పుడు మహేష్ ఓకే అనేసరికి సోనాక్షి సిన్హానే హీరోయిన్ గా తీసుకోనున్నట్లు తెలుస్తోంది.

మహేష్ బాబు మురుగదాస్ ల కాంబినేషన్ లో వస్తున్న ఈ సినిమాని మురుగదాస్ హిందీలో కూడ స్ట్రయిట్ రిలీజ్ కి ప్లాన్ చేస్తున్నట్లుగా కూడ మరోటాక్. ఏది ఏమైనా మొత్తానికి మహేష్ బాబు తర్వాత సినిమాలో హీరోయిన్ దాదాపుగా ఫిక్స్ అయినట్లే అని చెప్పుకుంటున్నారు ఫిలిం నగర్ వాసులు.  

ఆ క్యారెక్టర్ లో కాసేపు...!
 
- పరిటాల మూర్తి