మళ్లీ అలాంటి కథే...!

Posted: 06/01/2016 11:15 AM IST

టాలీవుడ్ లో కొన్ని కాంబినేషన్స్ సెట్ అయితే దానికి తిరిగే ఉండదు. ప్రస్తుతం స్టైలిష్ స్టార్ అల్లు అర్జున్ విక్రమ్ కె కుమార్ ల కాంబినేషన్ కూడ అలాంటిదే. సరైనోడు సినిమాతో తనలోని మాస్ యాంగిల్ ని రుచి చూపించిన బన్నీ ఇప్పుడు మళ్లీ సరైన కథతో సిద్ధమైపోయాడు. అలాగే, 24 సినిమాతో తనలోని స్టామినాను చూపించిన విక్రమ్ కె కుమార్ ఇప్పుడు బన్నీకి సరికొత్త కథని సిద్దం చేశాడట.

వీళ్లిద్దరి కాంబినేషన్ లో వస్తున్న మూవీ ఎలా ఉండబోతోందో అని టాక్ మొదలైంది. అయితే, ఈ సినిమా కూడ మనం, 24 సినిమాల్లాగానే టైమ్ తో ముడిపడిన సినిమా అని, చరిత్రలో రాజుల కాలంలో ప్రేమికుల ప్రేమకథని ఈ జన్మలో వారు సాధించారా లేదా అనే అంశం పై అల్లిన కథేనని చెప్తున్నారు ఫిలింనగర్ వాసులు.

ఇక అసలే స్టైలిష్ స్టార్ అల్లు అర్జున్ అందులోనూ చరిత్రతో కూడుకున్న ప్రేమకథ కాబట్టి సినిమా మరో సంచలనం అవ్వడం ఖాయం అని చెప్తున్నారు సినీ విశ్లేషకులు.

మరో విషయం ఏంటంటే, ఈసారి అల్లు అర్జున్ క్లాసికల్ డ్యాన్స్ వెయ్యబోతున్నాడట. దీనికోసం ప్రస్తుతం ట్రైనింగ్ కూడ తీసుకుంటున్నాడని చెప్తున్నారు అందరూ.

ఏది ఏమైనా, విక్రమ్ కె కుమార్ టైమ్ నడుస్తోందని, అతను కాలాన్ని ఎలాగైనా మార్చుకోగల జీనియస్ డైరెక్టర్ కాబట్టి ఈసారి బన్నీతో ఖచ్చితంగా మరో బ్లాక్ బస్టర్ హిట్ కొడతాడని సినీ పండితులు జోస్యం చెప్తున్నారు.