‘అఆ’ కోసం దర్శకుడికి సమంత కండిషన్లు?

Posted: 02/20/2016 12:02 PM IST

నితిన్, సమంత, అనుపమ పరమేశ్వరన్ హీరోహీరోయిన్లుగా నటిస్తున్న తాజా చిత్రం ‘అఆ’. ‘అనసూయ రామలింగం వర్సెస్ ఆనంద్ విహారి’ ట్యాగ్ లైన్. ప్రముఖ దర్శకుడు త్రివిక్రమ్ శ్రీనివాస్ దర్శకత్వంలో రూపొందుతున్న ఈ చిత్రంలోని కొన్ని సీన్లకు సమంత పలు కండీషన్లు పెట్టిందట.

కథ పరంగా ఇందులో సమంతపై ఓ బాత్రూం సీన్ ప్లాన్ చేసారు దర్శకుడు. కానీ సమంత మాత్రం హోటల్స్, రూమ్స్ లలో ఇలాంటి సీన్స్ చేయడం ఇబ్బందికరంగా వుందని వెంటనే నో అని చెప్పేసిందట. దీంతో చిత్ర నిర్మాతలు ఈ సీన్ ను హైదరాబాద్ లోని ఓ స్టూడియోలో తీయాలని నిర్ణయించారు. అందుకోసం ఓ బాత్ టబ్ ఏర్పాటుచేసి, షూటింగ్ చేస్తున్నారని తెలిసింది. అనవసరంగా ఈ అమ్మడితో ఎందుకు గొడవలు అనుకొని చిత్ర యూనిట్ సర్దుకుపోతున్నారట.

ప్రస్తుతం ఈ చిత్ర షూటింగ్ శరవేగంగా జరుగుతోంది. హారిక అండ్ హాసిని క్రియేషన్స్ బ్యానర్ పై నిర్మాత రాధాకృష్ణ నిర్మిస్తున్నారు. అన్ని కార్యక్రమాలను పూర్తి చేసుకొని ఏప్రిల్ నెలలో సినిమాను విడుదల చేయడానికి సన్నాహాలు చేస్తున్నారు.