రాస్కెల్ పాత్రలో థలైవా రాబోతున్నాడా?

Posted: 02/20/2016 11:15 AM IST

తమిళ సూపర్ స్టార్ రజనీకాంత్ ప్రస్తుతం శంకర్ దర్శకత్వంలో ‘2.0’లో రజనీ నటిస్తున్నాడు. ఈ సినిమా షూటింగ్ పూర్తి కాకముందే మరో సినిమాకు రజనీ గ్రీన్ సిగ్నల్ ఇచ్చేసినట్లుగా కోలీవుడ్ లో వార్తలు వినిపిస్తున్నాయి.

మలయాళం సూపర్ స్టార్ మమ్ముట్టీ, నయనతార జంటగా నటించిన సూపర్ హిట్ ‘భాస్కర్ ది రాస్కెల్’ చిత్రాన్ని తమిళంలోకి రీమేక్ చేయనున్నారు. ఇందులో మమ్ముట్టీ పాత్రలో రజనీకాంత్ నటించనున్నారని వార్తలొస్తున్నాయి. ఈ రీమేక్ చిత్రానికి సిద్ధిక్ దర్శకత్వం వహించనున్నారు. ఈ ప్రాజెక్టుకు రజనీకాంత్ గ్రీన్ సిగ్నల్ ఇచ్చినట్లుగా సమాచారం. త్వరలోనే అన్ని వివరాలను అధికారికంగా ప్రకటించనున్నారు.

యువ దర్శకుడు రంజిత్ దర్శకత్వంలో రూపొందుతున్న ‘కబలి’ చిత్ర షూటింగ్ ఇటీవలే పూర్తి అయ్యింది. కబాలి ఈ ఏడాది మే నెల తరువాత తెరపైకి రానున్నట్లు సమాచారం. అలాగే స్టార్ దర్శకుడు శంకర్ దర్శకత్వం వహిస్తున్న ‘2.0’ చిత్రంలో ఎమీజాక్సన్ హీరోయిన్ గా నటిస్తున్నారు. బాలీవుడ్ స్టార్ హీరో అక్షయ్‌కుమార్ ప్రతినాయకుడిగా నటిస్తున్న ఈ చిత్రాన్ని లైకా సంస్థ నిర్మిస్తోంది.