జ్యోతిలక్ష్మీ పెళ్లి గోల

Posted: 12/31/2015 01:24 PM IST

‘లక్ష్మీ’ సినిమాలో ఛార్మింగ్ గర్ల్ ఛార్మి గురించి వేణుమాధవ్ ఓ సన్నివేశంలో... ‘కళ్లల్లో ద్రాక్ష పండ్లు, బుగ్గల్లో యాపిల్ పండ్లు, పెదాల్లో చెర్రీ పండ్లు... పై నుంచి కింది వరకు పెద్ద పళ్లతోటలా వున్నావు ’ అంటాడు. అందులో ఛార్మి గురించి వేణుమాధవ్ చెప్పినట్లుగానే ఛార్మి కత్తిలా వుంటుందనే విషయం అందరికి తెలిసిందే. ఒకప్పుడు అగ్ర, స్టార్ హీరోలతో కలిసి నటించి, స్టార్ హీరోయిన్ గా కొనసాగింది.

ఈ మధ్య ఛార్మికి సినీ ఆఫర్లు రాకపోవడంతో తానే నిర్మాతగా మారి ‘జ్యోతిలక్ష్మీ’ అనే చిత్రాన్ని నిర్మించింది. కానీ ఈ సినిమా కూడా అనుకున్న స్థాయిలో విజయం సాధించలేకపోయింది. సినిమా ఆఫర్ల విషయం కాస్త పక్కనపెడితే.. రాక్ స్టార్ దేవిశ్రీప్రసాద్ తో ప్రేమలో పడ్డట్లుగా పుకార్లు వినిపిస్తున్నాయి. కానీ ఈ పుకార్లపై ఇప్పటికీ ఛార్మి క్లారిటీ కూడా ఇవ్వలేదు.

అయితే ప్రస్తుతం తనకు హీరోయిన్ గా ఎలాంటి అవకాశాలు రాకపోవడంతో ఇక పెళ్లి చేసుకొని, సెటిలై పోవాలని ఛార్మి ఫిక్స్ అయినట్లుగా తెలుస్తోంది. సినిమాలకు గుడ్ బై చెప్పేసి, సంసార జీవితంలో సంతోషంగా గడపాలని ఛార్మి నిర్ణయించుకున్నట్లుగా వార్తలొస్తున్నాయి. మరి ఛార్మి ఎవరిని పెళ్లి చేసుకుంటుంది? ప్రేమ పెళ్లా లేక పెద్దలు కుదిర్చినా పెళ్లా? లేక సినిమాలతోనే బిజీ అవ్వడానికి ప్రయత్నిస్తుందా? అనే ప్రశ్నలకు త్వరలోనే సమాధానాలు తెలియనున్నాయి.