‘రుద్రాక్ష’తో భయపెట్టనున్న కృష్ణవంశీ

Posted: 10/02/2015 03:28 PM IST

‘గోవిందుడు అందరివాడేలే’ వంటి బ్యూటిఫుల్ ఫ్యామిలీ లవ్ ఎంటర్ టైనర్ చిత్రాన్ని తెరకెక్కించిన టాలీవుడ్ క్రియేటివ్ డైరెక్టర్ కృష్ణవంశీకి ఈ చిత్రం నిరాశనే మిగిల్చింది. సినిమా పరంగా ప్రేక్షాకాదరణ పొందినప్పటికీ కమర్షియల్ గా మాత్రం ఈ సినిమా విజయం సాధించలేకపోయింది.

అయితే ఈ సినిమా తర్వాత కృష్ణవంశీ ఓ హర్రర్ చిత్రంతో ప్రేక్షకుల ముందుకు రాబోతున్నాడు. ఎప్పుడు తెలుగు సాంప్రదాయాలు, సంస్కృతులు, బంధాలు, భాంధావ్యాలకు పెద్ద పీట వేస్తూ తెరకెక్కించే కృష్ణవంశీ... ఈసారి మాత్రం భయపెట్టడానికి సిద్ధమవుతున్నారు. ఈ చిత్రాన్ని నటుడు ప్రకాష్ రాజ్, నిర్మాత దిల్ రాజు సంయుక్తంగా నిర్మించనున్నారు.

ఇటీవలే ఈ ప్రాజెక్టుకు సంబంధించిన స్ర్కిప్ట్ పనులు తుదిదశకు చేరుకున్నట్లుగా తెలిసింది. ప్రస్తుతం నటీనటుల ఎంపికలో కృష్ణవంశీ బిజీగా వున్నారు. ఈ చిత్రానికి ‘రుద్రాక్ష’ అనే టైటిల్ ను పరిశీలిస్తున్నారు. త్వరలోనే అన్ని వివరాలను అధికారికంగా ప్రకటించనున్నారు.