బన్నీ, బోయపాటిల కొత్త సినిమా టైటిల్ ఫిక్స్?

Posted: 08/04/2015 12:27 PM IST

‘సన్నాఫ్ సత్యమూర్తి’ వంటి వరుస బ్లాక్ బస్టర్ హిట్ చిత్రాల తర్వాత తాజాగా స్టైలిష్ స్టార్ అల్లు అర్జున్ హీరోగా ఓ చిత్రం తెరకెక్కుతున్న విషయం తెలిసిందే. ఈ చిత్రానికి ‘లెజెండ్’ వంటి భారీ బాక్సాఫీస్ హిట్ చిత్రం తర్వాత ప్రముఖ కమర్షియల్ మాస్ డైరెక్టర్ బోయపాటి శ్రీను దర్శకత్వం వహిస్తున్నాడు.

ప్రస్తుతం ఈ చిత్ర షూటింగ్ శరవేగంగా జరుగుతోంది. ఇందులో తొలిసారిగా బన్నీ సరసన రకూల్ ప్రీత్ సింగ్ హీరోయిన్ గా నటిస్తుంది. భారీ అంచనాలతో తెరకెక్కుతున్న ఈ చిత్రానికి గతకొద్ది రోజులుగా రకరకాల టైటిల్స్ పేర్లు వినిపిస్తున్నాయి. అయితే తాజా సమాచారం ప్రకారం ఈ చిత్రానికి ‘సరైనోడు’ అనే టైటిల్ ను ఖరారు చేసినట్లుగా తెలిసింది. మరికొద్ది రోజుల్లోనే చిత్ర యూనిట్ అధికారికంగా ప్రకటించనున్నారు.

కమర్షియల్ ఫ్యామిలీ యాక్షన్ మాస్ ఎంటర్ టైనర్ గా రూపొందుతున్న ఈ చిత్రంలో ప్రముఖ నటుడు ఆది పినిశెట్టి విలన్ పాత్రలో నటించనున్నాడు. ఈ చిత్రాన్ని గీతా ఆర్ట్స్ బ్యానర్‌పై అల్లు అరవింద్ నిర్మిస్తున్నారు. నటుడు శ్రీకాంత్ ఈ సినిమాలో ఓ ముఖ్య పాత్రలో కనిపించనున్నాడని తెలిసింది. త్వరలోనే అన్ని వివరాలను చిత్ర యూనిట్ అధికారికంగా ప్రకటించనున్నారు.