ఫ్యాన్స్ కోసం ‘శ్రీమంతుడు’ స్పెషల్ షో?

Posted: 07/31/2015 02:55 PM IST

టాలీవుడ్ ప్రిన్స్ మహేష్ బాబు, శృతిహాసన్ జంటగా నటించిన ‘శ్రీమంతుడు’ చిత్రం ఆగష్టు 7వ తేదిన గ్రాండ్ గా ప్రపంచ వ్యాపకతంగా విడుదల కానున్న విషయం తెలిసిందే. కొరటాల శివ దర్శకత్వంలో తెరకెక్కిన ఈ చిత్రాన్ని మైత్రీ మూవీ మేకర్స్ సంస్థ ప్రతిష్టాత్మకంగా నిర్మించింది.

ఇప్పటికే విడుదలైన పాటలు, ట్రైలర్లకు భారీ స్పందన వస్తుంది. ‘శ్రీమంతుడు’ రెస్పాన్స్ కు మహేష్ అభిమానులు ఫుల్ ఖుషీలో వున్నారు. సినిమా ఎలాగైనా హిట్టవ్వడం ఖాయమంటు ధీమాగా వున్నారు. అయితే అభిమానులను మరింత ఆనందపరిచేందుకు ‘శ్రీమంతుడు’ చిత్ర యూనిట్ సన్నాహాలు చేస్తున్నారు.

ఈ చిత్ర విడుదలకు ఒకరోజు ముందుగా అన్నిచోట్ల బెన్ఫిట్ షోలను ‘శ్రీమంతుడు’ చిత్ర నిర్మాతలు ప్లాన్ చేస్తున్నట్లుగా తెలిసింది. ఆంధ్రప్రదేశ్, తెలంగాణలోని ప్రధాన నగరాల్లో ఈ స్పెషల్ షోలు ఏర్పాటు చేయనున్నట్లుగా తెలిసింది. అంతే కాకుండా యుఎస్ లో కూడా ప్రీమియర్ షోలను ఏర్పాటు చేస్తున్నారు.

తమిళంలో ఈ చిత్రాన్ని ‘సెల్వాందన్’ పేరుతో విడుదల చేస్తున్నారు. ఈ చిత్రంలో జగపతి బాబు, సుకన్య, రాజేంద్రప్రసాద్, రాహుల్ రవీంద్రన్, పూర్ణ తదితరులు ప్రధాన పాత్రలలో నటించారు. దేవిశ్రీప్రసాద్ సంగీతం అందించారు.