హాటు రాధికతో జతకట్టనున్న సూపర్ స్టార్?

Posted: 07/20/2015 06:13 PM IST

నందమూరి బాలకృష్ణతో కలిసి ‘లెజెండ్’, ‘లయన్’ సినిమాల్లో జతకట్టిన రాధిక ఆప్టే తాజాగా తమిళ సూపర్ స్టార్ రజనీకాంత్ సరసన హీరోయిన్ గా నటించే అవకాశం దక్కించుకున్నట్లుగా తెలిసింది. ‘లయన్’ తర్వాత తెలుగులో ఆఫర్లేమి రాకపోవడంతో మళ్లీ బాలీవుడ్ వెళ్లిపోయింది.

అయితే ఈ మధ్య పలు వివాదాలతో ఎప్పుడూ వార్తల్లో నిలిచే ఈ అమ్మడు ఇటీవలే సౌత్ సినిమా దర్శకనిర్మాతలు, హీరోలపై పలు సంచలన వ్యాఖ్యలు చేసిన విషయం తెలిసిందే. దీంతో ఈ అమ్మడికి సౌత్ ఇండస్ట్రీలో ఇక అవకాశాలు రావని అందరూ భావించారు. కానీ తాజాగా రజనీకాంత్ సినిమాలో అవకాశం వచ్చినట్లుగా తెలిసింది.

రజనీకాంత్ హీరోగా రంజిత్ దర్శకత్వంలో ఓ చిత్రం తెరకెక్కనున్న విషయం తెలిసిందే. ఇందులో రజనీకాంత్ ఓ గ్యాంగ్ స్టర్ డాన్ గా కనిపించనున్నాడని తెలిసింది. మరి ఈ విషయంపై త్వరలోనే చిత్ర యూనిట్ ఓ అధికారిక ప్రకటన విడుదల చేయనున్నారు.