డోస్ పెంచి భయపెట్టడానికి డేట్ ఫిక్స్ చేస్తుంది!

Posted: 06/22/2015 10:44 AM IST

‘జ్యోతిలక్ష్మీ... ’ అంటూ ఇటీవలే కుర్రకారు గుండెల్లో చిచ్చుపెట్టిన హాట్ భామ ఛార్మింగ్ గర్ల్ ఛార్మి. ఛార్మి నటించిన ‘జ్యోతిలక్ష్మీ’ చిత్రం ఇటీవలే విడుదలై మంచి విజయాన్ని సొంతం చేసుకుంది. ఈ సినిమాపై మహిళా సంఘాలు భారీ ప్రశంసలు అందించారు. ఈ సినిమా విజయంతో ఫుల్ హ్యాపీలో వున్న ఛార్మి... తన తర్వాతీ సినిమాను కూడా విడుదల చేసే పనిలో పడింది.

‘జ్యోతిలక్ష్మీ’ తర్వాత ఛార్మి నటిస్తున్న తాజా చిత్రం ‘మంత్ర2’. ఎస్.వి.సతీష్ దర్శకుడిగా పరిచయమవుతున్న ఈ చిత్రాన్ని గ్రీన్ మూవీస్ పతాకంపై చామకూరి సమర్పణలో పి.శౌరిరెడ్డి, వి.యాదగిరిరెడ్డి సంయుక్తంగా నిర్మిస్తున్నారు. ఇటీవలే విడుదలైన ఫస్ట్ లుక్ టీజర్ మరియు ఆడియోకు మంచి స్పందన వచ్చింది.

‘మంత్ర’ కంటే మరింత ఎక్కువ హర్రర్ థ్రిల్లర్ తరహాలో ‘మంత్ర2’ వుండబోతుందని చిత్ర యూనిట్ ఆశాభావం వ్యక్తం చేస్తున్నారు. ఈ చిత్రాన్ని ఈనెల 19న విడుదల చేయాలని అనుకున్నారు. కానీ కుదర్లేదు. అయితే వచ్చే నెల 3వ తేదిన ఈ చిత్రాన్ని విడుదల చేయడానికి చిత్ర యూనిట్ సన్నాహాలు చేస్తున్నారు. త్వరలోనే ఓ అధికారిక ప్రకటన విడుదల చేయనున్నారు.