లవ్ మ్యారేజ్ చేసుకుంటానంటున్న బొమ్మాళి

Posted: 05/04/2015 03:36 PM IST

సౌత్ సినీ ఇండస్ట్రీలో ఇంకా పెళ్లి చేసుకోకుండా వున్న హాటు హీరోయిన్లలో అనుష్క ఒకరు. ఈ అమ్మడు గతకొద్ది కాలంగా తన పెళ్లిని వాయిదా వేస్తూ వస్తోంది. పెళ్లి ఎప్పడని అడిగితే వచ్చే ఏడాది అంటూ తప్పించుకుంటుంది. గత ఏడాది పెళ్లి గురించి ఈ అమ్మడి వద్ద ప్రస్తావిస్తే... ఇంట్లో వాళ్లకు గ్రీన్ సిగ్నల్ ఇచ్చేసాను.. వారే పెళ్లి సంబంధాలు చూస్తున్నారు. త్వరలోనే అన్ని వివరాలు చెప్తానంటూ తప్పించుకుంది.

ఇపుడేమో కోరుకున్న ప్రియుడితోనే పెళ్లి చేసుకుంటానని చెబుతోంది. ఇలా రోజుకో వార్త అనుష్క గురించి సౌత్ ఇండస్ట్రీలో చక్కర్లు కొడుతూనే వుంది. అయితే పెళ్లి చేసుకుంటే మాత్రం ప్రేమించిన వ్యక్తినే చేసుకుంటానని చెబుతోంది అనుష్క. మొన్నటివరకు ప్రేమలో లేనని చెప్పిన ఈ అమ్మడు... ఇపుడు ప్రేమలో పడ్డట్లుగా వుంది. అందుకే ప్రేమపెళ్లి చేసుకోవాలని అనుకుంటుందని సినీవర్గాల్లో చర్చలు జరుపుతున్నారు.

ప్రస్తుతం ఈ అమ్మడి చేతిలో భారీ చిత్రాలున్నాయి. అనుష్క నటించిన ‘రుద్రమదేవి’, ‘బాహుబలి ది బిగినింగ్’ చిత్రాలు విడుదలకు సిద్ధమవుతున్నాయి. దాదాపు రెండు నెలల తేడాతో.. ఈ రెండు చిత్రాలు విడుదల కానున్నాయి. ఇక అలాగే ప్రకాష్ దర్శకత్వంలో తెరకెక్కుతున్న ‘సైజ్ జీర్’, అలాగే తమిళంలో పివిపి బ్యానర్లో రూపొందుతున్న మరో చిత్రంలో ప్రస్తుతం అనుష్క బిజీగా వుంది. మరి ఈ చిత్రాలన్నీ పూర్తయ్యాక అనుష్క పెళ్లి చేసుకుంటుందో లేదో త్వరలోనే తెలియనుంది.