రాశిఖన్నాతో ప్రేమలో పడ్డ హర్షవర్థన్

Posted: 04/15/2015 11:28 AM IST

‘బలుపు’, ‘పవర్’ వంటి వరుస హిట్ చిత్రాల తర్వాత మాస్ మహారాజ రవితేజ హీరోగా నటిస్తున్న తాజా చిత్రం ‘బెంగాల్ టైగర్’. సంపత్ నంది దర్శకత్వంలో తెరకెక్కుతున్న ఈ చిత్రాన్ని శ్రీ సత్యసాయి ఆర్ట్స్ బ్యానర్లో కె.కె.రాధామోహన్ ప్రతిష్టాత్మకంగా నిర్మిస్తున్నారు. రవితేజ సరసన తమన్నా, రాశిఖన్నాలు హీరోయిన్లుగా నటిస్తున్నారు. ప్రస్తుతం ఈ చిత్ర షూటింగ్ శరవేగంగా జరుగుతుంది.

ఈ చిత్రంలో యువ నటుడు హర్షవర్ధన్ రాణే కీలక పాత్రలో నటించనున్నట్లుగా సమాచారం. రవితేజ, రాశిఖన్నా, హర్షవర్ధన్ లపై ఓ ట్రయాంగిల్ లవ్ స్టోరీ వుండబోతున్నట్లుగా తెలిసింది. త్వరలోనే అన్ని వివరాలు తెలియనున్నాయి. ప్రస్తుతం ‘బెంగాల్ టైగర్’ షూటింగ్ హైద్రాబాద్ పరిసర ప్రాంతాల్లో జరుగుతోంది.

ఈ షెడ్యూల్ మే6 వ‌ర‌కూ హైద‌రాబాద్ ప‌రిస‌ర ప్రాంతాల్లో జ‌రుగుతుంది. అన్ని కార్యక్రమాలు పూర్తిచేసి సెప్టెంబ‌ర్ 17న విడుద‌ల చేయ‌టానికి స‌న్నాహ‌లు చేస్తున్నారు. రవితేజ ప్రస్తుతం నటిస్తున్న ‘కిక్2’ చిత్రం విడుదలకు సిద్ధమవుతోంది. త్వరలోనే ప్రేక్షకుల ముందుకు రానుంది.