జాదుగాడు భామతో బన్నీ రొమాన్స్

Posted: 04/11/2015 12:42 PM IST

అల్లు అర్జున్ నటించిన ‘సన్నాఫ్ సత్యమూర్తి’ చిత్రం ఇటీవలే విడుదలై పాజిటివ్ టాక్ తో దూసుకెళ్తున్న విషయం తెలిసిందే. ఈ చిత్రం తర్వాత దర్శకుడు బోయపాటి శ్రీను దర్శకత్వంలో బన్నీ హీరోగా ఓ చిత్రం రూపొందనున్న విషయం తెలిసిందే. ఈ చిత్రాన్ని గీతా ఆర్ట్స్ బ్యానర్లో నిర్మాత అల్లు అరవింద్ నిర్మించనున్నారు. థమన్ సంగీతం అందించనున్నాడు.

స్టైలిష్ రొమాంటిక్ యాక్షన్ ఎంటర్ టైనర్ గా రూపొందనున్న ఈ చిత్రంలో బన్నీ సరసన ఇద్దరు హీరోయిన్లుగా జతకట్టనున్నారు. అయితే మొదటి హీరోయిన్ గా ‘జాదుగాడు’ భామను ఎంపిక చేసారు. నాగశౌర్య హీరోగా నటిస్తున్న ‘జాదుగాడు’ సినిమాలో సోనారిక అనే కొత్త అమ్మాయి తెలుగు ఇండస్ట్రీలోకి హీరోయిన్ గా ఎంట్రీ ఇస్తోంది.

ఈ అమ్మాయిని బన్నీ సినిమాలో మొదటి హీరోయిన్ గా ఎంపిక చేసినట్లుగా తాజా సమాచారం. ఒకవేళ ఇదే నిజమైతే, బన్నీ సినిమా హిట్టయ్యితే... ఇక ఈ అమ్మడు వరుస స్టార్ హీరోల పక్కన నటించడం ఖాయమంటున్నారు సినీ వర్గాలు. ప్రస్తుతం ఈ అమ్మడు నటిస్తున్న ‘జాదుగాడు’ చిత్రం విడుదలకు సిద్ధమవుతోంది. త్వరలోనే ప్రేక్షకుల ముందుకు రానుంది. బన్నీ సినిమా వివరాలను త్వరలోనే అధికారికంగా ప్రకటించనున్నారు.