సమంత ఆ హీరోతో రెండోసారి...

Posted: 03/11/2015 07:21 PM IST

టాలీవుడ్ లో ఒకప్పుడు వరుస సినిమాలు చేసుకుంటూ సక్సెస్ ఫుల్ గా దూసుకుపోయిన గ్లామర్ డాల్ సమంత.. ఇప్పుడు ఆమె జోరు కాస్త తగ్గింది. తమిళంలో వరుసగా సినిమా షూటింగుల్లో బిజీగా వుంది కానీ.. తెలుగులో మాత్రం అంతగా లేవు. కొత్తతారల హవా ఎక్కువగా నడుస్తుండటంతో ఈ స్టార్ హీరోయిన్ కి అవకాశాలు తగ్గినట్లు కనిపిస్తోంది. బడా హీరోలందరు కూడా తమ సినిమాల్లో కొత్తతారలనే తీసుకోవడంతో ఈమెకి ఇక్కట్లు వచ్చి పడ్డాయి.

అయితే.. ఓ హీరో మాత్రం సమంతయే కావాలంటూ ఆమెకు తన రెండు సినిమాల్లో అవకాశాలు కల్పించాడు. సమంతకి తెలుగులో ఆఫర్లు లేక సతమతమవుతున్న తరుణంలో ఆ హీరో ఆదుకున్నాడు. ప్రస్తుతం సమంత మాటల మాంత్రికుడు త్రివిక్రమ్ దర్శకత్వంలో తెరకెక్కుతున్న ‘సన్నాఫ్ సత్యమూర్తి’ సినిమాలో అల్లు అర్జున్ సరసన కథానాయికగా నటిస్తున్న విషయం తెలిసిందే! ఈ మూవీ షూటింగ్ చివరదశకు చేరుకుంది. ఈ సినిమా తర్వాత సమంతకి మరో ఆఫర్ లేదనుకుంటున్న తరుణంలో మెగాహీరో అల్లు అర్జున్ ఈమెకి మరో బంపరాఫర్ కల్పించాడు.

‘సన్నాఫ్ సత్యమూర్తి’ షూటింగ్ పూర్తికాగానే బోయపాటి దర్శకత్వంలో బన్నీ ఓ భారీ చిత్రాన్ని చేస్తున్నాడు. ఈ మూవీలో కథానాయిక కోసం ఎంతోమంది తారలను పరిశీలించారు. అయితే.. బన్నీ మాత్రం ఈ చిత్రంలో కథానాయికగా తిరిగి సమంతాని తీసుకుంటున్నట్లు తాజా సమాచారం! ఇందుకోసం ఆమె తన డేట్స్ అడ్జస్ట్ చేసే పనిలో పడిందని అంటున్నారు. గీతా ఆర్ట్స్ సంస్థ నిర్మిస్తున్న ఈ మూవీకి సంబంధించి మరిన్ని వివరాలు త్వరలోనే వెలువడి కానున్నాయి.