ఆ పాత్రలో నటిస్తున్నందుకు చాలా థ్రిల్ గా వుందట!

Posted: 03/09/2015 11:44 AM IST

జూనియర్ ఐశ్వర్యగా పేరొందిన స్నేహా ఉల్లాల్.. ‘ఉల్లాసంగా ఉత్సాహంగా’ సినిమాతో తెలుగు ప్రేక్షకులను బాగానే ఆహ్లాదపరిచింది. ఆ సినిమాతో ఆమెకు టాలీవుడ్ లో పంటపండిందని అంతా అనుకున్నారు కానీ.. మొత్తం రివర్స్ అయింది. ఈమెకి అరకొర ఆఫర్లు రావడంతో చిన్నహీరోల సరసన నటించేందుకు అభ్యంతరం వ్యక్తం చేయలేదు. అయితే.. కొత్తతారల ఎఫెక్ట్ తో ఈమెకు తెలుగులో అవకాశాలే రాలేదు. చివరగా ఈమె అల్లరి నరేష్ సరసన ‘యాక్షన్ త్రిడి’ సినిమాలో నటించింది.

ఇక ఆ మూవీ కూడా బెడిసికొట్టడంతో ఈ చిన్నది బాలీవుడ్ మీద దృష్టి సారించింది. ఈ క్రమంలోనే ఈ అమ్మడికి హిందీలో ఓ మంచి ఆఫర్ లభించగా.. అందులో తాను నటిస్తున్న పాత్ర తనకు చాలా థ్రిల్ కలిగిస్తోందంటూ స్నేహా పేర్కొంటోంది. బాలీవుడ్ లో ‘బబ్లూ’ పేరిట ఓ చిత్రం రూపొందుతోంది. ఉత్తరప్రదేశ్ కు చెందిన గ్యాంగ్ స్టర్ బబ్లూ శ్రీవాత్సవ జీవిత కథ ఆధారంగా తెరకెక్కుతున్న ఈ చిత్రంలో అర్షద్ వార్సి టైటిల్ పాత్రలో నటిస్తున్నాడు. ఈ చిత్రంలోనే స్నేహా ఉల్లాల్ హీరోయిన్ గా నటిస్తోంది.

ఇంకో విశేషం ఏమిటంటే.. ఈ సినిమాలో స్నేహా కూడా గ్యాంగ్ స్టర్ వేషం కడుతోంది. ఈ చిత్రంలో ఆమె కొన్ని యాక్షన్ సన్నివేశాలు చేయనుందని, అందుకు శిక్షణ కూడా తీసుకుంటోందని సమాచారం! ఈ సరికొత్త పాత్రలో నటిస్తున్నందుకు తనకు చాలా థ్రిల్ గా వుందని స్నేహ ఉల్లాల్ చెబుతోంది. మనీష్ వాత్సల్యా దర్శకత్వం వహిస్తున్న ఈ మూవీకి సంబంధించి మరిన్ని వివరాలు త్వరలోనే వెల్లడి కానున్నాయి.