సన్నాఫ్ సత్యమూర్తి ఆడియో వేడుకకు పవర్ స్టార్

Posted: 03/05/2015 11:38 AM IST

Pawan kalyan to attend allu arjun son of satyamurthy audio launch

‘జులాయి’ తర్వాత అల్లు అర్జున్ హీరోగా త్రివిక్రమ్ శ్రీనివాస్ దర్శకత్వంలో రూపొందుతున్న తాజా చిత్రం ‘సన్నాఫ్ సత్యమూర్తి’. ప్రస్తుతం ఈ చిత్ర షూటింగ్ స్పెయిన్ లో శరవేగంగా జరుగుతోంది. ఈ షెడ్యూల్ తో ఒక్క పాట షూటింగ్ మిన‌హ షూటింగ్ మెత్తం పూర్తవుతుంది.

ఇటీవలే ఈ చిత్ర శాటిలైట్ రైట్స్ ‘స్టార్ మా’(మాటివి) భారీ రేటుకు సొంతం చేసుకున్నట్లుగా తెలిసింది. దీంతో చిత్ర యూనిట్ చాలా సంతోషంగా వుంది. ఈ సినిమాలో బన్నీ సరసన నిత్యామీనన్, ఆదాశర్మ, సమంత హీరోయిన్లుగా నటిస్తున్నారు. హారిక అండ్ హాసిని క్రియేషన్స్ బ్యానర్లో ఎస్.రాధాకృష్ణ ఈ చిత్రాన్ని భారీ స్థాయిలో నిర్మిస్తున్నారు.

దేవిశ్రీప్రసాద్ సంగీతం అందిస్తున్న ఈ చిత్ర ఆడియో విడుదల కార్యక్రమం మార్చి 8న ఘనంగా విడుదల చేయడానికి సన్నాహాలు చేస్తున్నారు. ఈ కార్యక్రమానికి పవర్ స్టార్ పవన్ కళ్యాణ్ ప్రత్యేక అతిథిగా విచ్చేయనున్నట్లుగా సమాచారం. గతంలో త్రివిక్రమ్, బన్నీ కాంబినేషన్లో రూపొందిన ‘జులాయి’ చిత్ర ఆడియో విడుదల కార్యక్రమానికి కూడా పవర్ స్టార్ ముఖ్య అతిథిగా విచ్చేసారు.

అంతే కాకుండా పవన్, త్రివిక్రమ్ ల మధ్య మంచి స్నేహం వుండటం వలన... ఈ ‘సన్నాఫ్ సత్యమూర్తి’ ఆడియో కార్యక్రమానికి పవన్ రావడం ఖాయమని చిత్ర యూనిట్ భావిస్తున్నారు. మరి పవన్ వస్తాడో రాదో అనే విషయం మరికొద్ది రోజుల్లోనే తెలియనుంది.

కమర్షియల్ ఫ్యామిలీ యాక్షన్ ఎంటర్ టైనర్ గా రూపొందుతున్న ఈ చిత్రంలో కన్నడ స్టార్ హీరో ఉపేంద్ర, నటి స్నేహ, రాజేంద్రప్రసాద్ కీలక పాత్రలలో నటిస్తుండగా... సింధు తులాని, వెన్నెల కిషోర్, బ్రహ్మానందం, రావ్ రమేష్, ఎం.ఎస్.నారాయణ తదితరులు నటిస్తున్నారు. ఏప్రిల్ 2న సినిమాను విడుదల చేయడానికి సన్నాహాలు చేస్తున్నారు. త్వరలోనే అన్ని వివరాలు అధికారికంగా ప్రకటించనున్నారు.