చిన్న హీరోలకు ‘మెలిక’ పెడుతున్న ‘బస్టాప్’ చిన్నది!

Posted: 02/25/2015 12:22 PM IST

Sri divya conditions remuneration new heroes movies kollywood news

ఇండస్ట్రీలో హీరోయిన్ గా కాస్త ఇమేజ్ వస్తే చాలు.. కొందరు తారలు పొగరుగా వ్యవహరిస్తుంటారు. తమ రెమ్యునరేషన్ స్థాయిని పెంచేయడం, డేట్స్ విషయంలో దర్శకనిర్మాతలను ముప్పతిప్పలు పెట్టడం, చిన్నహీరోలతో సినిమాలంటే వాటికి మెలికలు పెట్టడం.. ఇలా ఈ విధంగా తమ ఇగోని ప్రదర్శిస్తారు. ప్రస్తుతం శ్రీదివ్య వ్యవహారశైలి గమనిస్తుంటే.. ఆమె కూడా అదే కోవలోకి చేరిపోయినట్లు కనిపిస్తోంది.

‘బస్టాప్’ అనే చిన్న సినిమాతో ఇండస్ట్రీలో ఎంట్రీ ఇచ్చిన శ్రీదివ్య.. తెలుగులో ఆఫర్లు రాకపోవడంతో పక్కనున్న తమిళ ఇండస్ట్రీకి వెళ్లింది. అక్కడ ఆమెకు అదృష్టం బాగానే కలిసిరావడంతో వరుసగా సినిమాలు వచ్చిపడ్డాయి. పైగా అవన్నీ విజయం సాధించడంతో సక్సెస్ ఫుల్ హీరోయిన్ గా పేరుగాంచింది. దాంతో ఈమెకు మరిన్ని మూవీ ఆఫర్లు వచ్చిపడుతున్నాయి. ఈ విధంగా తనకు డిమాండ్ పెరిగిపోవడంతో ఈ అమ్మడు తన పారితోషికాన్ని 50 లక్షలకు పెంచేసింది. అంతేకాదు.. ఒక చిన్న సినిమా నుంచి తన అదృష్టాన్ని పరీక్షించుకున్న ఈ భామ.. ఇప్పుడు చిన్నహీరోలతో జతకట్టేందుకు మెలికలు పెడుతోందట!

చిన్నహీరోల సినిమాలకు పెద్ద దర్శకులు వుంటే నటిస్తాననీ, ఒకవేళ పెద్ద హీరోలైతే వారి మూవీలకు కొత్త దర్శకులైనా ఫర్వాలేదనీ శ్రీదివ్య కండీషన్లు పెడుతోందని కోలీవుడ్ లో ప్రచారం కొనసాగుతోంది. మరి.. ఈ వార్తలపై దివ్య ఎలా స్పందిస్తుందో వేచి చూడాల్సిందే! ఇదిలావుండగా.. ‘బెంగుళూర్ డేస్’ తెలుగు, తమిళ రీమేక్ లో శ్రీదివ్య కథానాయికగా నటిస్తోంది.