రాంచరణ్ అక్కగా కృతి భామ

Posted: 02/26/2015 10:28 AM IST

Kriti kharbanda to play ram charan sister role

డి.వి.వి. ఎంటర్టైన్మెంట్స్ పతాకంపై ప్రముఖ నిర్మాత డి.వి.వి.దానయ్య నిర్మాణంలో రాంచరణ్ హీరోగా దర్శకుడు శ్రీనువైట్ల దర్శకత్వంలో ఓ చిత్రం రూపొందనున్న విషయం తెలిసిందే. రకూల్ ప్రీత్ సింగ్ హీరోయిన్ గా నటించనుంది. ప్రముఖ తమిళ యువ సంగీత దర్శకుడు అనిరుధ్ సంగీతం అందించనున్నారు.

ఈ చిత్రానికి ప్రముఖ రచయితలు కోనవెంకట్, గోపి మోహన్ లు కలిసి కథ, మాటలు అందిస్తున్నారు. ప్రస్తుతం ఈ చిత్రానికి సంబంధించిన ప్రీ ప్రొడక్షన్ పనులు జరుగుతున్నాయి. ‘మై నేమ్ ఈజ్ రాజు’ అనే టైటిల్ పరిశీలనలో వుంది.

ఈ సినిమా మార్చి 5న లాంఛనంగా ప్రారంభం కాబోతుంది. అలాగే మార్చి 16 నుంచి రెగ్యులర్ షూటింగ్ ప్రారంభం కానుంది. ఈ సినిమాను త్వరగా పూర్తి చేసి, అక్టోబర్ 15న విడుదల చేయడానికి సన్నాహాలు చేస్తున్నారు.

ఈ సినిమాలో ‘తీన్ మార్’ హీరోయిన్ కృతి కర్భందా చరణ్ సరసన సెకండ్ హీరోయిన్ గా నటించనుందంట్లు గతకొద్ది రోజులుగా వార్తలొస్తున్న విషయం తెలిసిందే. అయితే తాజాగా కృతి గురించి మరో వార్త వినిపిస్తోంది. తాజా సమాచారం ప్రకారం...ఈ సినిమాలో కృతి హీరోయిన్ గా నటించడం లేదని తెలిసింది.

రాంచరణ్ కు అక్క పాత్రలో కృతి నటించనుందని తెలిసింది. కుటుంబ కథా చిత్రంగా రూపొందనున్న ఈ సినిమాలో చరణ్ తల్లి పాత్రలో నటి జీవితరాజశేఖర్ నటించనుందని సమాచారం. అయితే ఈ విషయాలపై చిత్ర యూనిట్ ఇంకా ఎలాంటి అధికారిక ప్రకటన విడుదల చేయలేదు. మరిన్ని వివరాలు మార్చి 5న తెలియనున్నాయి.