ఈరోస్ చేతిలో సూర్య మాస్

Posted: 02/20/2015 04:48 PM IST

తమిళంలో సూర్య హీరోగా వెంకట్ ప్రభు దర్శకత్వంలో రూపొందుతున్న ‘మాస్’ సినిమాను సూర్య నిర్మిస్తున్నాడు. ఇపుడు ఈ చిత్రాన్ని కూడా ఈరోస్ సంస్థ దక్కించుకుంది. ఈ సినిమాను సూర్య మరియు ఈరోస్ సంస్థ సంయుక్తంగా ప్రపంచ వ్యాప్తంగా విడుదల చేయనున్నట్లుగా తెలిసింది.

ప్రముఖ బాలీవుడ్ నిర్మాణ సంస్థ ‘ఈరోస్ ఇంటర్నేషనల్’ కన్ను సౌత్ సినీ ఇండస్ట్రీపై పడింది. ఇప్పటివరకు బాలీవుడ్ లో ఎన్నో సూపర్ హిట్ చిత్రాలను నిర్మించిన ఈరోస్ సంస్థ ఇపుడు సౌత్ లో కూడా తన మార్కెట్ ను పెంచుకోవడానికి ప్రయత్నిస్తుంది. ఇటీవలే బాలయ్య హీరోగా శ్రీవాస్ దర్శకత్వంలో రూపొందనున్న సినిమా 99వ చిత్రాన్ని ఈరోస్ సంస్థ నిర్మించబోతున్నట్లుగా అధికారికంగా ప్రకటించిన విషయం తెలిసిందే.

అలాగే తమిళంలో రూపొందుతున్న కమల్ హాసన్ ఉత్తమ విలన్ చిత్ర విడుదలలో చిత్ర నిర్మాణ సంస్థలతో కలిసి ఈరోస్ సంస్థ సంయుక్తంగా విడుదల చేయబోతుంది. అంతే కాకుండా తాజాగా ఈరోస్ సంస్థ మరో సినిమాను తన ఖాతాలో వేసేసుకుంది.

కమర్షియల్ మాస్ మసాలా యాక్షన్ ఎంటర్ టైనర్ గా రూపొందుతున్న ‘మాస్’ సినిమాలో సూర్య ద్విపాత్రాభినయం చేస్తున్నాడు. ఇందులో సూర్య సరసన నయనతార, ప్రణీత హీరోయిన్లుగా నటిస్తున్నారు. త్వరలోనే ఈ సినిమా ప్రేక్షకుల ముందుకు రానుంది.