శ్రద్ధాకపూర్ పై మనసు పారేసుకున్న తమిళ హీరో..?

Posted: 02/20/2015 02:57 PM IST

Shraddha kapoor ilayathalapathi vijay atley kumar latest movie updates

‘ఆషికి-2’ మూవీ ద్వారా రాత్రికిరాత్రే స్టార్ ఇమేజ్ సొంతం చేసుకున్న బాలీవుడ్ సెక్సీ భామ శ్రద్ధాకపూర్.. అనతికాలంలో భారీ ఫ్యాన్ ఫాలోయింగ్ ని మూటగట్టుకుంది. తన అందమైన లుక్స్ తో యువకులను మెస్మరైజ్ చేసిన ఈ అమ్మడిపై కొందరు స్టార్ హీరోలు కూడా మనసు పారేసుకున్నారులెండి! ఆమధ్య కొందరితో ఈమె ప్రేమాయణం నడిపిందని పుకార్లొచ్చాయిగానీ.. అవన్నీ ట్రాష్ అంటూ కొట్టిపారేసింది. అయితే.. ఓ తమిళ హీరో మాత్రం ఈమె వెంట పడుతున్నారని కోలీవుడ్ లో ప్రచారాలు సాగుతున్నాయి. అతను మరెవరో కాదు.. సూపర్ స్టార్ ఇళయదళపతి విజయ్!

వివరాల్లోకి వెళ్తే.. అట్లీ కుమార్ దర్శకత్వంలో హీరో విజయ్ తన 59వ చిత్రాన్ని త్వరలోనే చేయబోతున్నాడన్న విషయం తెలిసిందే! ఈ మూవీకి సంబంధించి అన్ని కార్యక్రమాలు సవ్యంగానే జరుగుతున్నాయి కానీ.. కథానాయిక మాత్రం సెట్ కావడం లేదు. ఇప్పటికే కొందరు సౌత్ అమ్మాయిలను పరిశీలించారు. అంతేకాదు.. బాలీవుడ్ స్టార్ తారలైన సొనాక్షి, దీపికాలతో చర్చలు కూడా జరిపినట్లు ఆమధ్య వార్తలొచ్చాయి. కానీ.. వాళ్లు అధిక పారితోషికం డిమాండ్ చేయడంతో డ్రాప్ అయ్యారట! దీంతో కథానాయిక విషయంలో సందిగ్ధతలో మునిగిన మూవీ యూనిట్ కి.. శ్రద్ధాకపూర్ ని తీసుకోవాల్సిందిగా హీరో విజయ్ రికమెండ్ చేశాడట!

అతడు ఇచ్చిన సలహా మేరకు దర్శకనిర్మాతలు ఆమెతో చర్చలు కొనసాగిస్తున్నారని కోలీవుడ్ టాక్! మరి.. ఈ అమ్మడు ఈ చిత్రాన్ని అంగీకరిస్తుందా..? లేదా..? అన్నది వేచి చూడాల్సిందే! ఒకవేళ ఈమె కూడా పారితోషికం ఎక్కువ డిమాండ్ చేస్తే.. మరో కథానాయికకోసం వెతుకులాట తప్పదుమరీ!