రామ్ శివంతో అయిషా భామ రొమాన్స్

Posted: 02/16/2015 10:53 AM IST

రామ్ ప్రస్తుతం నటిస్తున్న ‘పండగచేస్కో’ సినిమా విడుదలకు సిద్ధమవుతోంది. షూటింగ్ చివరి దశకు చేరుకుంది. గోపిచంద్ మలినేని దర్శకత్వంలో రూపొందుతున్న ఈ సినిమా పూర్తయ్యాక.. రామ్ ‘శివం’ సినిమా షూటింగ్ లో పాల్గొననున్నాడు.

రామ్ హీరోగా ‘శివం’ అనే చిత్రం రూపొందనున్న విషయం తెలిసిందే. ఈ సినిమాతో శ్రీనివాస రెడ్డి దర్శకుడిగా పరిచయమవుతున్నాడు. ఈ సినిమాలో రామ్ సరసన హీరోయిన్ గా అయిషాను ఎంపిక చేసినట్లుగా తెలిసింది. అయిషా ఇప్పటికే పలు సంస్థలకు మోడల్ గా చేసింది.

అయిషా మరెవరో కాదు రాంచరణ్ ‘చిరుత’ సినిమాలో హీరోయిన్ గా నటించిన నేహాశర్మ చెల్లెలు. నేహశర్మకు తెలుగులో అవకాశాలు రాకపోవడంతో బాలీవుడ్ కు మకాం మార్చేసింది. ఇపుడు తాజాగా చెల్లెలు అయిషా తెలుగులోకి ఎంట్రీ ఇవ్వనుంది.

ఇపుడు హీరోయిన్ గా అవకాశం రావడంతో అయిషా చాలా సంతోషంగా వుందట. తన చెల్లెలు కూడా తెలుగులో మొదటి సినిమాతో హీరోయిన్ గా ఎంట్రీ ఇవ్వబోతుండటంతో నేహాశర్మ కూడా చాలా సంతోషంగా వుందట. అయితే ఈ ప్రాజెక్టు త్వరలోనే సెట్స్ పైకి వెళ్లనుంది.