నితిన్ కు మరోసారి ‘హార్ట్ ఎటాక్’ తెప్పిస్తున్న పూరీ..

Posted: 02/14/2015 12:18 PM IST

Puri jagannath nitin heart attack combination another movie gossips

‘టెంపర్’ మూవీ సక్సెస్ కావడంతో దర్శకుడు పూరీ జగన్నాథ్ చకచకా పావులు కదుపుతున్నట్లు తెలుస్తోంది. అందాల భామ చార్మితో ‘జ్యోతిలక్ష్మీ’ అనే మూవీని తెరకెక్కిస్తున్న ఈ దర్శకుడు.. దాంతోపాటు మరో రెండు చిత్రాల స్ర్కిప్టులను రెడీ చేసుకోవడంలో నిమగ్నమైపోయాడు. ఆ వర్క్ పూర్తయ్యిందో లేదో తెలీదు కానీ.. హీరో నితిన్’తో కలిసి మరో మూవీని రూపొందించే ప్లాన్ లో వున్నట్లు సమాచారం!

ఆమధ్య పూరీ జగన్నాథ్ దర్శకత్వంలో యంగ్ హీరో నితిన్ నటించిన ‘హార్ట్ ఎటాక్’ చిత్రం మంచి విజయం సాధించిన విషయం తెలిసిందే! ఇప్పుడు మళ్లీ అతనితోనే జతకట్టేందుకు పూరీ ఆలోచిస్తున్నాడని తెలుస్తోంది. ఇదే విషయమై పూరీ ఇటీవలే నితిన్ కి కాంటాక్ట్ కూడా చేశాడట! మరి.. అందుకు నితిన్ ఓకే అన్నాడో..? లేదో..? అన్న విషయాలు మాత్రం తెలియరాలేదు. అయితే.. ఈ మొత్తం వ్యవహారంపై ఇంకా అధికారిక వార్తలు వెలువడాల్సి వుంది.

ఇదిలావుండగా.. పూరీ జగన్నాథ్ ఆల్రెడీ వరుణ్ తేజ్, మహేష్ బాబు ఇద్దరితోనూ కమిట్ అయ్యాడు. ఇప్పటికే వారిద్దరి మూవీలకు సంబంధించిన స్ర్కిప్టు పనులతో ఫుల్ బిజీగా వున్నాడు. మరోవైపు ఛార్మి ‘జ్యోతిలక్ష్మీ’ మూవీ నిర్మాణపనుల్లోనూ పూర్తిగా నిమగ్నమయ్యాడు. మరి.. ఇంత బిజీగా వున్న ఈ దర్శకుడు నితిన్ తో మూవీ చేస్తాడా..? లేదా..? ఒకవేళ చేయాల్సి వస్తే.. ఏడాదిన్నరకు పైగా ఎక్కువ సమయమే పడుతుంది. ఈ వ్యవహారంపై పూరీ క్లారిటీ ఇవ్వాల్సిందే!