ఒకపక్క టెంపర్ పూరీయే కొనుకున్నాడట

Posted: 02/02/2015 05:39 PM IST

యంగ్ టైగర్ ఎన్టీఆర్ హీరోగా నటిస్తున్న తాజా చిత్రం ‘టెంపర్’. పూరీ జగన్నాథ్ దర్శకత్వంలో తెరకెక్కుతున్న ఈ చిత్రాన్ని పరమేశ్వర ఆర్ట్ ప్రోడక్షన్స్ బ్యానర్లో నిర్మాత బండ్ల గణేష్ నిర్మిస్తున్నాడు. ఈ చిత్ర ఫస్ట్ లుక్ పోస్టర్ ను ఇటీవలే విడుదల చేసారు. ఈ న్యూ లుక్ పోస్టర్లకు భారీ స్పందన వస్తోంది.

‘టెంపర్’ సినిమాపై వున్న అంచనాలు భారీ రేంజులో పెరిగిపోయాయి. ఇందులో ఎన్టీఆర్ స్టైలిష్ లుక్ లో అదరగొడుతున్నాడు. అనూప్ రూబెన్స్ సంగీతం అందిస్తున్న ఈ చిత్ర ఆడియోను త్వరలోనే విడుదల చేయనున్నారు.

ఈ చిత్రానికి వక్కంతం వంశీ కథను అందిస్తున్నారు. తన కథ మీద వున్న నమ్మకమో లేక ఎన్టీఆర్, పూరీల మీద వున్న నమ్మకమో తెలియదు కానీ... మొత్తానికి ఈ చిత్రంతో వక్కంత వంశీ కూడా డిస్ట్రిబ్యూషన్ రంగంలోకి అడుగు పెట్టాడు. తాజాగా ‘టెంపర్’ చిత్ర నెల్లూరు ప్రదర్శన హక్కులను దాదాపు 2కోట్లకు పైగా పెట్టి సొంతం చేసుకున్నట్లుగా తెలిసింది.

అయితే తాజాగా ఈ సినిమాతో పూరీ కూడా ‘టెంపర్’ డిస్ట్రిబ్యూటర్ గా మారుతున్నాడు. తాజా సమాచారం ప్రకారం ఈ చిత్ర గోదావరి రైట్స్ ను దాదాపు 2.5 కోట్లకు పూరీ దక్కించుకున్నట్లుగా తెలిసింది. ఇందుకోసం పాపులర్ డిస్ట్రిబ్యూటర్ సురేష్ మూవీస్ తో కలిసి పశ్చిమ గోదావరిలో విడుదల చేయనున్నాడు.

ఇటీవలే విడుదలైన ఆడియో మంచి హిట్టయ్యింది. ఈ సినిమాలో హాట్ బ్యూటీ నోర ఫతేహి ‘ఇట్టాగే రెచ్చిపోతే’ అనే హాట్ ఐటెం సాంగ్ లో సందడి చేయనుంది. ఈ చిత్రాన్ని ఫిబ్రవరి 13న ప్రపంచ వ్యాప్తంగా విడుదల చేయనున్నారు.