అజయ్, సోనాక్షిల ‘దృశ్యం’ రీమేక్ వివరాలు

Posted: 02/02/2015 03:53 PM IST

మలయాళ సూపర్ స్టార్ మోహన్ లాల్ నటించిన ‘దృశ్యం’ సినిమా అక్కడ ఘనవిజయం సాధించింది. దీంతో ఈ చిత్రాన్ని తెలుగు, కన్నడ భాషలలో కూడా రీమేక్ చేసి ఘనవిజయం సొంతం చేసుకుంది. ప్రస్తుతం ఈ చిత్రాన్ని తమిళంలో రీమేక్ చేస్తున్నారు. ‘పాపనాశం’ పేరుతో తెరకెక్కుతున్న ఈ చిత్రంలో కమల్ హాసన్, గౌతమి ప్రధాన పాత్రలలో నటిస్తున్నారు.

సౌత్ లో వున్న అన్ని భాషలలో రీమేక్ అయిన ఈ చిత్రం ప్రస్తుతం బాలీవుడ్ లో కూడా రీమేక్ కానుంది. ‘దృశ్యం’ హిందీ రీమేక్ లో కథానాయకుడిగా అజయ్ దేవగణ్ నటించనున్నాడు. సౌత్ లో మీనా పోషించిన పాత్ర హిందీలో బాలీవుడ్ హాట్ బ్యూటీ సోనాక్షి సిన్హా చేయనుందని సమాచారం.

మలయాళం ఒరిజినల్ ‘దృశ్యం’ సినిమా కథను వున్నది వున్నట్లుగా రీమేక్ చేయకుండా... హిందీ రీమేక్ కోసం పలు మార్పులు చేస్తున్నట్లుగా తెలిసింది. సౌత్ లో కథానాయకుడి కూతురి పాత్రను హిందీలో చెల్లెలి పాత్రగా మార్చేస్తున్నారని సమాచారం.

ఈ చిత్రాన్ని హిందీలో Viacom18 నిర్మించనున్నారు. నిషికాంత్ కమాత్ దర్శకత్వం వహించనున్నారు. ఈనెల రెండో వారంలో సెట్స్ పైకి వెళ్లనుందని సమాచారం. ఈ చిత్రాన్ని అక్టోబర్ 2015లో విడుదల చేయడానికి సన్నాహాలు చేస్తున్నారు. త్వరలోనే అధికారికంగా అన్ని వివరాలను ప్రకటించనున్నారు.