ఎన్టీఆర్ కు ‘టెంపర్’ లేపనున్న బన్ని

Posted: 12/20/2014 12:31 PM IST

Allu arjun trivikram srinivas movie release date

స్టైలిష్ స్టార్ అల్లు అర్జున్ లేటెస్ట్ మూవీ షూటింగ్ శరవేగంగా జరుగుతున్న విషయం తెలిసిందే. త్రివిక్రమ్ సినిమా కావటంతో నిదానంగా.., తొందరేమి లేదన్నట్లుగా షూటింగ్ జరుపుకుంటోంది. అందుకే సంక్రాంతి రేసులో ఉంటుంది అన్న గాసిప్ కూడా రాలేదు. సినిమాకు టైటిల్ పై ఇప్పటివరకు చాలా ఊహాగానాలు రాగా., తాజాగా విడుదలపై గుసగుసలు విన్పిస్తున్నాయి. వచ్చే ఏడాది మార్చిలో ఈ సినిమా విడుదల అవుతుందని అంటున్నారు. ఫిలింనగర్ వర్గాల సమాచారం ప్రకారం.., మార్చి 28న సినిమా బయటకు వస్తుందట.

ఇదే నెలలో అంటే 2015 మార్చిలోనే ఎన్టీఆర్ లేటెస్ట్ మూవీ ‘టెంపర్’ విడుదల అయ్యే అవకాశం ఉంది. మిగిలిపోయిన షూటింగ్ పిబ్రవరిలో మొదలు పెట్టి.., మార్చిలో సినిమా విడుదల చేయాలని ప్లాన్ చేస్తున్నారు. దీంతో ఎన్టీఆర్ తో అల్లు అర్జున్ పోటి పడుతాడని తెలుస్తోంది. ‘టెంపర్’ విడుదల తేదీ అధికారికంగా ప్రకటించకపోయినా... మార్చిలోనే విడుదలకు అవకాశం ఉంది. లేదంటే విద్యార్థులకు సెలువు ప్రారంభం అయ్యే ఏప్రిల్ తొలి వారం విడుదల అవుతుంది. ఎలా అయినా రెండు సినిమాలకు కాంపిటిషన్ తప్పదు.

‘జులాయి’ తర్వాత త్రివిక్రమ్, అల్లు అర్జున్ కాంబినేషన్ లో తెరకెక్కుతున్న సినిమాకు టైటిల్ ఇంకా పెట్టలేదు. రాధాకృష్ణ నిర్మాతగా రూపొందుతున్న ఈ సినిమాలో ముగ్గురు హీరోయిన్లున్నారు. సమంత ఫస్ట్ హీరోయిన్ కాగా.., అదా శర్మ సెకండ్ లీడ్ హీరోయిన్, నిత్యా మీనన్ నెగెటివ్ రోల్ లో నటిస్తుందని తెలుస్తోంది. వీరితో పాటు సీనియర్ నటి స్నేహ, కన్నడ సూపర్ స్టార్ ఉపేంద్ర కూడా ప్రత్యేక పాత్రల్లో నటిస్తున్నారు.

కార్తిక్