బాలీవుడ్ ధోనీ జట్టులో చేరిన చెర్రి

Posted: 12/05/2014 09:09 AM IST

సినిమాతో పాటు క్రికెట్ కూడా బాగా ఆడే మెగా పవర్ స్టార్ రామ్ చరణ్ తేజ్ త్వరలోనే  టీం ఇండియాలో చేరతాడని ప్రచారం జరుగుతోంది. ధోని టీంలో చేరేందుకు సిద్ధమవుతున్నట్లు తెలుస్తోంది. అయితే నిజంగా ఇండియా జట్టులో కాదులెండి.., ధోని జీవితంపై తెరకెక్కుతున్న సినిమాలో. క్రికెట్ కింగ్ జీవిత కథతో బాలీవుడ్ డైరెక్టర్ నీరజ్ పాండే ‘ఎంస్ఎస్ ధోనీ’ అనే సినిమా తీస్తున్నాడు. ఈ మూవీలో సుశాంత్ సింగ్ రాజ్ పుత్ హీరోగా నటిస్తున్నాడు. క్రికెటర్లలో ధోనికి అత్యంత సన్నిహితంగా ఉండే రైనా క్యారెక్టర్ ను సినిమాలో చూపించాల్సి రావటంతో ఇందుకోసం రామ్ చరణ్ ను ఎంపిక చేసినట్లు తెలుస్తోంది.

గతంలో బాలీవుడ్ లో రామ్ చరణ్ ఓ సినిమా చేశాడు. దీంతో ఇది ఆయనకు రెండవ సినిమా కానుంది. అయితే దీనిపై ఇంకా అధికారిక ప్రకటన వెలువడాల్సి ఉంది. ఇక మిగతా విషయాలు చూస్తే.., ‘ఎంఎస్ ధోని’ మూవీ పోస్టర్ ను ఈ మద్యే దోనీ భార్య సాక్షి సింగ్ విడుదల చేసింది. ఈ సినిమాను భారీ బడ్జెట్ తో నిర్మించేందుకు ప్రయత్నాలు జరుగుతున్న తరుణంలో బీసీసీఐ మోకాలడ్డేస్తోంది. ధోని క్రికెట్ లో కొనసాగినంతకాలం ఆయన జీవితంపై సినిమా తీయవద్దని స్పష్టం చేసింది. అలా చేస్తే.., కెరీర్ కు ఇబ్బందులు ఎదురయ్యే అవకాశం ఉందని అనుమానాలు వ్యక్తం చేస్తోంది. కాని మెజార్టీ శాతం ఫ్యాన్స్ మాత్రం సినిమా వస్తే నష్టమేమి ఉండదని అంటున్నారు.

ఇక ‘గోవిందుడు అందరివాడేలే’ సినిమా తర్వాత పలు స్ర్కిప్టులు పరిశీలించిన రామ్ చరణ్.., శ్రీను వైట్ల కథను ఓకే చేసినట్లు ప్రచారం జరుగుతోంది. దీంతో పాటు గౌతమ్ మీనన్ తో కూడా సినిమా చేసేందుకు గ్రీన్ సిగ్నల్ ఇచ్చాడని సన్నిహితులు అంటున్నారు. ఇద్దరు డైరెక్టర్లలో ఎవరితో ముందుగా సినిమా తీస్తాడేది త్వరలో తెలియనుంది.

కార్తిక్