సన్నీ విషయంలో వేలెట్టిన ముద్దుల మగాడు

Posted: 10/24/2014 12:54 PM IST

బాలీవుడ్ హాట్ ఐటం బాంబ్ గా పేరు తెచ్చుకున్న సన్నీ లియోన్ కు పరాభవం జరిగింది. ఆమెకున్న క్రేజ్, ఫ్యాన్ ఫాలోయింగ్ మొత్తాన్ని బాలీవుడ్ హీరో ఇమ్రాన్ హష్మి పక్కన పెట్టేశాడు. సినిమాలో సన్నీ ఉంటే తాను నటించను అని తెగేసి చెప్పేసాడట. ప్రస్తుతం షూట్ అవుతున్న ‘ఉంగ్లీ’ సినిమా విషయంలో ఇది జరిగింది. బాలీవుడ్ నుంచి వస్తున్న సమాచారం ప్రకారం ఇమ్రాన్ హష్మీ తో ‘ఉంగ్లీ’లో ఓ ఐటం సాంగ్ పెట్టాలని యూనిట్ ప్లాన్ చేసిందట. ఇందుకు హీరో కూడా ఒప్పుకున్నాడట. ఇక ఇమ్రాన్ పక్కన ఎవరైతే బాగుంటుందా అని బాగా చర్చించి.. చివరకు సన్నీ లియోన్ అయితే సెట్ అవుతుంది అని డిసైడ్ చేశారట.

ఐటం సాంగ్ లు, అందాల ఆరబోతలకు పిలిస్తే పలికే పేరుగా ఉన్న సన్నీ అయితేనే సరైన జోడిగా ఉంటుందని ఒకప్పటి ముద్దుల మగాడు... తిరిగి పాత అలవాటు పాటించినా కూడా ఏమి అనుకోదులే అని సన్నీ ఫిక్స్ అనేశారు. ఈ విషయం తెలుసుకున్న హష్మీ సన్నీ అయితే ఐటం పాట వద్దు అని చెప్పేశాడట. హాట్ బాంబ్ పక్కన ఉంటే తాను డాన్స్ చేయలేను అని చెప్పినట్లు సినిమా యూనిట్ లో ఒకరు వెల్లడించారు. దీతో ఇప్పుడు కొత్త మోడల్ లేదా పాపులర్ అయిన మరో హీరోయిన్ కోసం ‘ఉంగ్లీ’ టీం వెతుకుతోంది.

బాలీవుడ్ లో తనకంటూ ఓ గుర్తింపు ఉన్న ఇమ్రాన్ హష్మీ.., సన్నీ లియోన్ తో నటిస్తే తన పేరు దెబ్బ తింటుంది అని భావిస్తున్నట్లు సన్నిహితులు చెప్తున్నారు. అందువల్లే ఈ అందాల తారను వద్దన్నాడు అని తెలుస్తోంది. ఈ వార్త తెలిస్తే సన్నీ ఎలా ఫీల్ అవుతుందో అని ఆమె అభిమానులు తెగ ఫీల్ అవుతున్నారు. ఇదంతా పక్కనబెడితే ఇప్పుడు ఇమ్రాన్ తో కలిసి నటించేది ఎవరో అని బాలీవుడ్ లో మళ్ళీ చర్చ మొదలైంది. ముద్దులు పెట్టడంలో ఎక్స్ పర్ట్ అయిన హష్మీతో ఆడే ఐటం ఎవరో చూడాలి.

కార్తిక్