పవన్ ను పక్కన పెట్టేసిన సంపత్

Posted: 10/24/2014 11:08 AM IST

మెగా ఫ్యామిలికి డైరెక్టర్ సంపత్ నంది షాక్ ఇచ్చాడు. పవర్ స్టార్ పవన్ కళ్యాణ్ తో సినిమా తీయాలి అని కధ సిద్దం చేసుకుని షూటింగ్ కు కొబ్బరికాయ కూడా కొట్టిన సంపత్.., ఇఫ్పుడు రవితేజతో సినిమా చేసేందుకు సిద్ధం అవుతున్నాడు. ‘గబ్బర్ సింగ్2’ కధ రాసుకుని చాలాకాలంగా వెయిట్ చేస్తున్నాడు. ఈ లోపు మిగతా ఆఫర్లు వచ్చినా... పవన్ ఫస్ట్ మిగతావారంతా నెక్స్ట్ అన్నట్లుగా చెప్పాడు. అయతే ‘గబ్బర్ సింగ్2’పై ఇప్పటికీ క్లారిటీ రావటం లేదు. షూటింగ్ ఎప్పుడు, నిర్మాత, హీరోయిన్, ఎవరు అనే విషయాలు ఎటూ తేలటం లేదు.

దీంతో సంపత్ నందికి కాలం విలువ తెలిసి వచ్చినట్లయింది. పవన్ కోసం కూర్చుంటే పనికాదు..., అని భావించి మిగతా సినిమాలు చేసేందుకు సిద్ధం అవుతున్నట్లు ఫిలింనగర్ లో తెగ మాట్లాడుకుంటున్నారు. ఈ మద్యే రవితేజకు ఓ కధ చెప్పాడని.., స్క్రిప్టు విన్న మాస్ మహారాజు ఓకే చెప్పాడని తెలుస్తోంది. అంతేకాదు త్వరలోనే ఈ సినిమా చేసేందుకు కూడా సిద్ధం అవుతున్నారట. అలాగని పవన్ సినిమాను చేయడని కాదండోయ్. అయితే డేట్లు, ఇతర విషయాలపై క్లారిటీ లేకపోవటంతో ఈ లోపు మిగతా సినిమాలు చేసుకుందాం అని డిసైడ్ అయినట్లు సన్నిహితులు చెప్తున్నారు.

ప్రస్తుతం ‘కిక్2’ షూటింగ్ లో ఉన్న రవితేజ ఈ ప్రాజెక్టు పూర్తయితే నంది కధలో నటిస్తాడని తెలుస్తోంది. ఇది ఈ ఏడాదిలో జరిగే పని కాదు. అప్పట్లోగా పవన్ ‘గోపాల గోపాల’ సినిమా పూర్తయి.. ‘గబ్బర్ సింగ్ 2’పై క్లారిటీ ఇచ్చే అవకాశం ఉంది. ఇలా రెండు ఒకేసారి జరిగితే ముందు మహూర్తం షాట్ తీసిన పవన్ సినిమా చేస్తాడా లేక... ఈ సారికి మాస్ మహారాజాకు ప్రాధాన్యత ఇస్తాడా అనేది తెలియాల్సి ఉంది.  

 

కార్తిక్