గాయని చిన్మయికి సమంత మోసం చేసిందా?

Posted: 10/07/2014 07:03 PM IST

Dubbing artist raveena ravi replaced by singer sripada chinmayi for samantha from katti movie

టాలీవుడ్ స్టార్ హీరోయిన్ గా పేరు సంపాదించుకున్న గ్లామర్ డాల్ సమంత.. డబ్బింగ్ ఆర్టిస్ట్ - గాయని శ్రీపాద చిన్మయికి మోసం చేసిందనే వార్తలు జోరుగా సాగుతున్నాయి. తెలుగు, తమిళ భాషల్లో వరుసగా ఆఫర్లు సాధించుకుంటూ, విజయాలు నమోదు చేసుకుంటున్న ఈ అమ్మడి ప్రవర్తనలో రానురాను చాలా మార్పులు కనిపిస్తున్నాయని కొంతమంది విశ్లేషకులు తెలుపుతున్నారు. అందుకే గతంలో ఈ అమ్మడు మహేష్ బాబులాంటి స్టార్ హీరో సినిమాలు ‘‘నేనొక్కడినే, ఆగడు’’లపై బ్యాడ్ కామెంట్లు చేసి, అభిమానుల ఆవేశానికి బలైందని తెలుపుతున్నారు. ఆ కోవలోనే ఈ అమ్మడు మరోసారి తన ఆవేశాన్ని గాయని చిన్నయి మీద ప్రదర్శించిందని వార్తలు కొనసాగుతున్నాయి.

నిజానికి తమిళ, తెలుగు సినిమాల్లో గాయని - డబ్బింగ్ ఆర్టిస్ట్ గా కొనసాగుతున్న శ్రీపాద చిన్మయి చాన్నాళ్లనుంచి సమంతకు వాయిస్ అందించేది. నిజంగానే సమంత మాట్లాడుతుందేమోనన్నంతగా చిన్నయి వాయిస్ ఆమెకు సూటయింది. అందుకే చిన్మయి చాలా సినిమాల్లో సమంతకు తన గొంతును ప్రసాదించింది. ఆమె వాయిస్ ఫిదా అయిన ప్రేక్షకులు ఎంతోమంది ఆమెకు అభిమానులు కూడా అయ్యారు. అయితే ఇంతలోనే వీరిమధ్య ఏం జరిగిందో గానీ.. సమంతకు ఇకనుంచి చిన్మయి తన వాయిస్ ను అందించబోదనే వార్తలు వస్తున్నాయి. ఇప్పటినుంచి సమంతకు అమలాపాల్ కు డబ్బింగ్ చెప్పిన రవీనా రవి తన వాయిస్ ను అందించనుందని తెలిసింది. దీపావళికి విడుదల కానున్న ‘‘కత్తి’’ సినిమా నుంచే రవీనా తన వాయిస్ ను సమంతకు అందించనున్నట్లు తెలుస్తోంది. ఇదివరకే ఆమె స్టూడియోలో హీరో విజయ్, దర్శకుడు మురుగదాస్ తో కలిసి దిగిన ఫోటోలు నెట్ లో హల్ చల్ చేస్తున్నాయి.

అచ్చం సమంతలాగే మాట్లాడుతున్నంతగా తన వాయిస్ ను అందించిన చిన్మయిని ఇలా హఠాత్తుగా మార్చేసిన నేపథ్యంలో... సమంత ఆమెను మోసం చేసినట్లుగా వార్తలు వస్తున్నాయి. అయితే చిన్మయితో అభిప్రాయ భేదాలు రావడం వల్లే సమంతా ఆమెను తప్పించినట్లుగా సమాచారం! దీంతో సమంత వాయిస్ ఇకనుంచి మారనుందన్నమాట! ఇన్నాళ్లు చిన్మయి గొంతుకు అలవాటు పడిన ప్రేక్షకులు రవీనా వాయిస్ ను ఆస్వాదిస్తారో లేదో వేచి చూడాలి!