తెలుగు సినిమా కావాలంటున్న సల్మాన్

Posted: 08/12/2014 06:22 PM IST

సరుకు మంచిదయితే ఎక్కడయినా అమ్ముడవుతుంది. మన దగ్గర టాలెంట్ ఉంటే ఎక్కడైనా గుర్తింపు వస్తుంది. శేఖర్ సినిమాలు ఎలా ఉంటాయో చెప్పనక్కర్లేదు. ఒక క్లీన్ వర్క్ తో, సింపుల్ గా ది బెస్ట్ అనిపిస్తాయి ఆయన సినిమాలు. అంత సింపుల్ గా, నీట్ గా తీయటం ఆయన వల్లే అవుతుంది. ఫైట్ లంటే ఎక్కువగా ఇష్టపడని కమ్ములపై ఇప్పుడు బాలీవుడ్ కండల వీరుడు సల్మాన్ కన్ను పడింది. అసలు పొంతనే లేని ఈ కాంబినేషన్ ఏం చేస్తుందా అనే కదా ఆలోచనకు సమాధానం ఉంది. శేఖర్ కమ్ముల దర్శకత్వంలో వచ్చిన హ్యాపిడేస్ సినిమాను హిందీలో రీమేక్ చేయాలనుకుంటున్నారు సల్మాన్. ఇందుకు సంబంధించి తెలుగు దర్శకుడితో అప్పుడే సంప్రదింపులు మొదలుపెట్టినట్లు గుసగుసలు వస్తున్నాయి.

హ్యాపీడేస్ తెలుగులో చెప్పుకోదగ్గ హిట్ సినిమాల్లో ఒకటి. ఇంకా చెప్పాలంటే ఈ తరం యువతకు నచ్చే సినిమాల్లో ఈ సినిమా పేరు ముందుగా విన్పిస్తుంది. ఇప్పటికీ ఏ కాలేజీలో ఫ్రెషర్స్ డే అయినా, ఫేర్ వెల్ డే అయినా ఈ సినిమా పాటలు తప్పనిసరిగా విన్పిస్తాయి. లేదంటే ఆ ఫంక్షన్ పూర్తి కానట్లే లెక్క. అంతగా దగ్గరయింది ప్రేక్షకులకు ఈ సినిమా. ఈ క్రెడిట్ శేఖర్ కమ్ములకే దక్కుతుంది. ఒక ఇంజనీరింగ్ కాలేజి స్టూడెంట్స్ జీవితాన్ని అందంగా చూపించటంలో సక్సెస్ అయ్యారు. టాలీవుడ్ లో ఇంత హిట్టయిన హ్యాపిడేస్ సినిమాపై సల్మాన్ కన్నుపడింది. ఆయన ఈ సినిమాను బాలీవుడ్ అభిమానులకు రుచి చూపించాలని ఉవ్విళ్ళూరుతున్నాడు.

అయితే యూత్ ఫుల్ ఎంటర్ టైనర్, కాలేజి స్టూడెంట్స్ సినిమా కావటంతో ఈ సినిమాలో సల్మాన్ నటించటం లేదు. అన్నట్టు కండలవీరుడు ఈ మద్యే సొంత నిర్మాణ సంస్థను ప్రారంభించాడు. సినిమాలు చేసి బాగానే సంపాదించిన డబ్బులు ఇప్పుడీ సంస్థతో తానే సినిమాలు తీస్తాడట. అదేమంటే కూటి కోసం కోటి విద్యలు తప్పవని చెప్పాడు. సొంత బ్యానర్ సినిమాలపై ఆలోచిస్తున్న సల్మాన్ కు హ్యాపిడేస్ గురించి సన్నిహిత స్నేహితులు చెప్పారు. దీంతో వెంటనే ఈ సినిమా గురించి తెలుసుకుని దాన్ని రీమేక్ చేయాలని నిర్ణయించుకున్నారు. హిందీలో కూడా హ్యాపిడేస్ కొనసాగుతుందా లేక మారుతుందా నిర్ణయించుకోలేదు. అయితే రీమేక్ ను కూడా శేఖర్ కమ్ములచే తీయించాలని సల్మాన్ భావిస్తున్నాడు. ఆయన అయితేనే ఆ కథను మళ్ళి అలా తీయగలరని సల్మాన కూడా గుర్తించాడు.

కార్తిక్