పవన్ పెట్టిన కొత్త కండిషన్స్ ఇవే

Posted: 06/18/2014 09:33 AM IST

పవర్ స్టార్ పవన్ కళ్యాణ్ తన సినిమాలతో చాలా బిజీగా ఉన్నారు. నిన్నటి వరకు రాజకీయాలతో సతమతమైన పవన్ కళ్యాణ్ .. ప్పుడు తనను నమ్ముకున్న నిర్మాతలకు, దర్శకులకు అందుబాటులో ఉండి, సినిమా షూటింగులు పూర్తి చేస్తున్నారు.

అయితే ఇప్పుడు పవన్ కళ్యాణ్ .. టాలీవుడ్ నిర్మాతలకు, దర్శకులకు కొన్ని కండిషన్స్ పెట్టినట్లు తెలుస్తోంది. రీసెంట్ గా విక్టరీ వెంకటేష్ , పవర్ స్టార్ పవన్ కల్యాణ్ నటిస్తోన్న సినిమా గోపాల.. గోపాల. బాలీవుడ్ సినిమా ఓ మైగాడ్ రీమేక్- గా వస్తోన్న ఈ సినిమాలో పవన్ కృష్ణుని పాత్రలో చేస్తున్న విషయం తెలిసిందే.

అయితే పవర్ స్టార్ గోపాల… గోపాల మూవీ ప్రొడ్యూసర్- కి కండిషన్స్ పెట్టినట్లు టాలీవుడ్ టాక్. కేవలం మూడు వారాల మాత్రమే సమయం కేటాయిస్తానని ఆ తర్వాత అరచి గోల చేసినా నో డేట్స్ అని ఖరా ఖండిగా చెప్పినట్లు ఫిలింనగర్ వాసులు అంటున్నారు.

అంతేకాకుండా కేవలం 20 రోజుల్లోనే సినిమాలో తన సన్నివేశాలను పూర్తి చేయాలని అల్టిమేటం ఇచ్చినట్లు చిత్ర యూనిట్ సభ్యులు అంటున్నారు. పవన్ ఎప్పుడు ఇలాంటి కండిషన్స్ పెట్టలేదు కదా అని ఆరా తీస్తే.. అసలే విషయం బయట పడింది. గతంలో మాదిరి సైలెంట్ గా ఉంటే. అందరికి న్యాయం చేయటం చాలా కష్టంగా ఉ ఉంటుందని భావించి ఈ నిర్ణయం తీసుకున్నట్లు తెలుస్తోంది.

అంటే పవన్ కళ్యాణ్ నమ్ముకొని చాలా దర్శకులు, నిర్మాతలు క్యూలో ఉన్నట్లు తెలుస్తోంది. పవన్ ఇంత తొందరపడటానికి కారణం గబ్బర్-సింగ్ 2 షూటింగ్-లో పాల్గొని వారికి న్యాయం చేయాలని ఉద్దేశంలో పవన్ ఉన్నట్లు సమాచారం. అయితే ఈ విషయం తెలుసుకున్న సదరు నిర్మాతలు , దర్శకులు .. రిలాక్స్ అయ్యి, ఎంతైన .పవన్ కళ్యాణ్ ఈజ్ గ్రేట్..అంటూ..త్వరగా తమ షూటింగ్ పనులు చేసుకోవటంలో బిజీబిజీ గా మారిపోయారు.

పవన్ తనను నమ్ముకున్న వారికి వంద శాతం న్యాయం చేస్తాడని .. మరోసారి నిరూపించాడని ..టాలీవుడ్ పెద్దలు బహిరంగంగానే అంటున్నారు. ఒక సినిమా షూటింగ్ చేసి .. వందరోజులు విశ్రాంతి తీసుకుంటున్ననటులు ఉన్న ఈ రోజుల్లో..పవన్ లాంటి నటుడు ఉండటం టాలీవుడ్ దర్శకుల, నిర్మాతల అదృష్టంమని చిత్రపురి కాలనీ వాసులు అంటున్నారు.

అంటే పవన్ పెట్టిన కండిషన్స్ వల్ల .. పవన్ ఎలాంటి ఉపయోగం లేదు. కానీ తొటి వారి పరిస్థితి అర్థం చేసుకొని తప్పని పరిస్థితుల్లో ఇలాంటి కండిషన్స్ పెట్టవలసి వచ్చిందని ఆయన సన్నిహితులు చెబుతున్నారు. ఏమైన పవన్ కళ్యాణ్ స్టైలే వేరు.

RS