బన్ని, చెర్రీలతో మణిరత్నం ప్రయోగం ?

Posted: 05/21/2014 05:36 PM IST

Maniratnam movie with allu arjun ram charan

ప్రముఖ దర్శకుడు మణిరత్నం దర్శకత్వంలో ఓ భారీ బడ్జెట్ చిత్రం తెరకెక్కబోతుందని, ఆ ప్రాజెక్ట్ త్వరలోనే సెట్స్ పైకి వెళ్లనుందని, నాగార్జున, మహేష్ బాబు, ఐశ్వర్య రాయ్, శృతిహాసన్ లు కలిసి నటించనున్నారని అప్పట్లో వార్తలు వచ్చాయి. ఈ వార్తలను నిజం చేసే విధంగా మణిరత్నం భార్య సుహాసిని కూడా అధికారికంగా తెలియజేసింది. అయితే తాజాగా ఈ ప్రాజెక్ట్ ఆపేసారు. కానీ ఈ ప్రాజెక్ట్ ఆగిపోవడానికి కారణం టాలీవుడ్ లెక్కల దర్శకుడే కారణమని తెలుగు, తమిళ ఇండస్ట్రీ గుసగుసలు పెడుతున్నాయి. ఇంతకీ ఆ లెక్కల దర్శకుడు ఎవరనే కదా మీ అనుమానం. తన ప్రతి సినిమాలో ఏదో ఒక లెక్కలు చూపించే దర్శకుడు సుకుమారే దీనికి కారణమని అంతట వినిపిస్తుంది.

సినీ ఇండస్ట్రీ టాక్ ప్రకారం.... మహేష్ తో బ్లాక్ బస్టర్ హిట్ చిత్రాన్ని తెరకెక్కించాలని 1 నేనొక్కడినే అనే ప్రయోగాత్మక చిత్రాన్ని తీసి అట్టర్ ఫ్లాప్ అయ్యేలా చేశాడు. దాంతో ఈ సినిమా అనుకున్న స్థాయిలో విజయం సాధించకపోగా... మహేష్ చేత ‘‘మరోసారి ఇలాంటి ప్రయోగాత్మక సినిమాలు చేయకూడదని’’ నిర్ణయం తీసుకునే పరిస్థితి తెచ్చాడు సుకుమార్. సీన్ కట్ చేస్తే... మణిరత్నం సినిమా కూడా ఓ ప్రయోగాత్మక చిత్రమేనని తెలిసింది. అందుకే మహేష్ ఈ ప్రాజెక్టు నుంచి తప్పకున్నాడట. మహేష్ తప్పకున్నాడని నాగార్జున కూడా ఏదో ఒక సాకు చెప్పి మణిరత్నానికి హ్యండ్ ఇచ్చేసాడట. ఐశ్వర్య, శృతిలు కూడా చేసేదేమిలేక వేరే సినిమాలపై దృష్టి పెట్టారు.

ఇదిలా ఉంటే మణిరత్నం ఈ ప్రాజెక్టును పక్కన పెట్టేసి, మరో మల్టీస్టారర్ చిత్రాన్ని తెరకెక్కించే ప్రయత్నంలో ఉన్నాడట. ఈ కొత్త మల్టీస్టారర్ సినిమాలో తెలుగు యువ టాప్ హీరోలయిన అల్లు అర్జున్, రాంచరణ్ లను ఎంపిక చేసుకున్నట్లు తెలిసింది. మణిరత్నం ఇటీవలే చిరంజీవి సహయంతో బన్నీ, చెర్రీలకు కథ చెప్పాడంట. కథ నచ్చడంతో వెంటనే ఈ ప్రాజెక్టుకు గ్రీన్ సిగ్నల్ ఇచ్చారని సమాచారం. అయితే ఈ సినిమాకు సంబంధించిన ఎలాంటి సమాచారం అధికారికంగా ఎవరూ ప్రకటించలేదు.

కానీ ప్రస్తుతం చరణ్ ‘‘గోవిందుడు అందరివాడేలే’’ సినిమా షూటింగ్ లో బిజీగా ఉన్నాడు. దీని తర్వాత కొరటాల శివ సినిమాలో నటిస్తాడనే వార్తలు వస్తున్నాయి. అదే విధంగా బన్నీ తాజాగా త్రివిక్రమ్ సినిమా చేయనున్నాడు. మరి మణిరత్నం సినిమాలో ఈ బాబులు ఎప్పుడూ చేస్తారో త్వరలోనే తెలియనుంది.

Sandy