ప్రియురాలు ఆలియా కాదు సల్మాన్ చెల్లి అర్పిత!

Posted: 04/10/2014 01:49 PM IST

Arjun kapoor relation not with alia but with arpita khan

2 స్టేట్స్ చిత్రంలో హీరో అర్జున్ కపూర్, ఆ చిత్రంలో హీరోయిన్ ల మధ్య ప్రేమాయణం గురించి కథకథలుగా చెప్పుకుంటుంటే, నా మొట్ట మొదటి ప్రేమ సంబంధం కేవలం సల్మాన్ ఖాన్ చెల్లెలు అర్పిత ఖాన్ తోనేనని అర్జున్ కపూర్ ప్రకటించాడు.

అయితే అది కూడా ఇప్పుడు కాదట. తను ఇంకా చిన్న వయసులో యవ్వనంలో అడుగుపెట్టి ఉన్నప్పుడు అర్పిత తో రెండు సంవత్సరాలు ప్రేమ సంబంధం ఉండేదని అన్నాడు అర్జున్ కపూర్. అర్జున్ కపూర్ కి అప్పుడు 18 సంవత్సరాల వయసే ఉండటం వలన ఈ విషయాన్ని సల్మాన్ కి చెప్పటానికి భయపడ్డానని, కానీ ధైర్యం చేసి అతనికి అతని కుటుంబ సభ్యులకు ఈ విషయం చెప్పానని అన్నాడు.

సల్మాన్ అర్జున్ ని ఆదరించటమే కాక, ఒక పెద్దన్నలా వ్యవహరించాడట. అర్పితతో సంబంధం తెగిపోయిన తర్వాత కూడా ఏమీ తెలియని అయోమయ స్థితిలో ఉన్న తనకు సలహాలనిచ్చాడట. ఆ సమయంలో 140 కిలోల బరువున్న అర్జున్ కపూర్ కి సినిమాల మీద ఉన్న ఇష్టాన్ని గ్రహించి ఆ బరువంతా తగ్గిపోయి సినిమాలలో అవకాశాలకోసం కృషి చెయ్యటానికి తగినంత ప్రోత్సాహం ఇచ్చాడని చెప్పుకుంటున్నాడు అర్జున్ కపూర్.

తనకి తండ్రి, పెద్దన్న లోటుని సల్మాన్ ఖాన్ తీర్చాడని చెప్తున్నాడు అర్జున్ కపూర్. అయితే ఆలియా భట్ తో కానీ ప్రస్తుతం తన పాత ప్రియురాలితో కానీ ఎటువంటి సంబంధమూ లేదని చెప్తున్న అర్జున్ కపూర్ కొత్త పరిచయాలకోసం వెంపర్లాడుతున్నాడని అందుకే ప్రస్తుతం హృదయంలో కావలసినంత ఖాళీ ఉందని చెప్పుకుంటున్నాడని అనుకుంటున్నారు.

-శ్రీజ