దారి తప్పిన సమంతా?

Posted: 02/28/2014 09:30 AM IST

దారి తప్పిన సమంతా .. ఎక్కడో దారితప్పి పోలేదు గానీ,  తన సినీ జీవితంలో ..ఇప్పటి వరకు  వేసిన  గ్లామర్   పాత్రలకు, కొంచెం మాసాల దట్టిస్తుంది.  అంటే  ఇప్పటి వరకు పాత సినిమాల్లో  సావిత్రి మాదిరి ఒండినిండా బట్టలతో కనిపించి మాయ చేసిన  ఈ చెన్నై మాయలేడి .. ఇక నుండి  తన మాసాల ఉన్న పాత్రల వైపు మొగ్గు చూపుతుంది.అంటే సమంతా గ్లామర్ పాత్రల విషయంలో తన పంథాను మార్చుకుంటోందా అంటే తమిళ చిత్ర వర్గాలు అవుననే సమాధానం చెబుతున్నాయి. 

ఏమాయ చేసావే సినిమా నుంచి నిన్నటి అత్తారింటికి దారేది సినిమా వరకు గ్లామర్ విషయంలో కొన్ని హద్దులు పాటిస్తూ యువతరం కలల రాణిగా భాసిల్లుతున్న ఈ సుందరి తాజాగా తమిళ, తెలుగు భాషల్లో తెరకెక్కుతున్న అంజాన్ చిత్రంలో కొత్త అవతారంలో కనిపించబోతోందని కోలీవుడ్  వర్గాలు అంటున్నాయి.

సమంతా ముంబై మాఫియా నేపథ్యంలో సాగే ఈ చిత్రంలో సూర్య గ్యాంగ్‌స్టర్‌గా కనిపించబోతున్నాడని చిత్ర వర్గాల సమాచారం. ఈ చిత్రం కోసం ఇటీవలే ఓ పాటను హీరో హీరోయిన్‌లపై చిత్రీకరించారు. ఈ పాట చిత్రానికి ప్రత్యేక ఆకర్షణ కానుందని చిత్ర యూనిట్ సభ్యులు అంటున్నారు. 

ఈ సాంగ్ లో సమంతా కురచ దుస్తులు ధరించి పూర్తిగా కొత్త అవతారంలో కనిపించడం అందరికి ఆశ్చర్యాన్ని కలిగిస్తోంది. ముంబై, గోవాలో ఇప్పటి వరకు 40 శాతం చిత్రీకరణ పూర్తయింది. ప్రస్తుతం ముంబై విస్ట్‌లింగ్ వూడ్స్ క్యాంపస్‌లో చిత్రీకరణ జరుగుతోంది. ఆగస్టులో ఈ చిత్రాన్ని రెండు భాషల్లో ప్రేక్షకుల ముందుకు తీసుకురావాలని తిరుపతి బ్రదర్స్ సన్నాహాలు చేస్తున్నారని కోలీవుడ్ వర్గాలు అంటున్నాయి. 

ఇప్పటి వరకు  సమంతా ఏమి చూపించకుండానే ..చేతినిండా  సినిమా అవకాశాలు  దక్కించుకుంది.  ఇక ఇప్పుడు  ఇలాంటి మాసాల దట్టిస్తే,  టాలీవుడ్ ను, కోలీవుడ్ ను  షేక్ చేసిన ఆశ్చర్యంలేదని ఆమె అభిమానులు అంటున్నారు. 

 

-ఆర్ఎస్